چودھری پرویز الہی کو اڈیالہ جیل راولپنڈی میں نظر بند کر دیا گیا

فائل:فوٹو

راولپنڈی :سابق وزیر اعلی پنجاب چودھری پرویز الہی کو ڈسڑکٹ جیل لاہور سے منتقل کرکے سینٹرل جیل اڈیالہ راولپنڈی میں نظر بند کر دیا گیاضلعی انتظامیہ لاہور نیچودھری پرویز الہی کے 3 ایم پی او کے تحت 30 دن کی نظربندی کے احکامات جاری کررکھے ہیں ۔

پاکستان تحریک انصاف کے صدر و سابق وزیر اعلی پنجاب چودھری پرویزالٰہی کو لاہور پولیس کڑی سیکورٹی میں ڈسڑکٹ جیل لاہور سے لیکر بدھ کی صبح سینٹرل جیل اڈیالہ راولپنڈی پہنچی جہاں پولیس نے چودھری پرویزالٰہی کو سینٹرل جیل اڈیالہ میں نظر بند کرنے کے ٍڈی سی لاہور کی جانب سے جاری 3 ایم پی او کے تحت احکامات بھی جیل انتظامیہ کے حوالے کیے۔

سینٹرل جیل اڈیالہ پہچائے جانے پر جیل کے میڈیکل آفیسر نے چودھری پرویز الہٰی کا میڈیکل چیک اپ کیا اور میڈیکل کے بعد چودھری پرویزالٰہی کی سیکورٹی بھی یقینی بناتے ہوئے انھیں ہائی سیکورٹی بیرک میں منتقل کردیا۔

یاد رہے کہ ڈی سی لاہور نے لاہور پولیس کی سفارش پر 16 جولائی کو 3 ایم پی او کے تحت 30 دن کی نظر بندی کے احکامات جاری کررکھے ہیں ۔

ذرائع کے مطابق چودھری پرویز الہٰی کو لاہور سے سینٹرل جیل اڈیالہ راولپنڈی انتظامی بنیادوں پر منتقل کیاگیا ہے۔