رقص کرنے کا تو بہت شوق ہے لیکن والدین کی طرف سے اجازت نہیں ،علیزے شاہ

فائل:فوٹو

کراچی: اداکارہ علیزے شاہ کا کہنا ہے کہ رقص کرنے کا تو بہت شوق ہے لیکن کیمرے کے سامنے رقص نہیں کرسکتی اور فلموں میں رقص کرنے کی والدین کی طرف سے اجازت نہیں ہے۔

برطانوی میڈیا کو انٹرویو میں اداکارہ علیزے شاہ نے کہا کہ فلموں میں کام کرنے کے لیے ابھی کم عمر ہوں اور والدین نے رقص کرنے کی اجازت نہیں دی ہے۔

علیزے شاہ نے ایک سوال کے جواب میں کہا کہ انہیں رقص کرنے کا تو بہت شوق ہے لیکن کیمرے کے سامنے رقص نہیں کرسکتی۔ اس کے لیے مجھے اعتماد بڑھانا ہوگا۔

اداکارہ نے مزید کہا کہ فواد خان کے ساتھ کام کرنے کی خواہش ہے تاہم ان کی فلم مولا جٹ ابھی تک نہیں دیکھی۔

سوشل میڈیا پر تنقید سے متعلق علیزے شاہ نے کہا کہ جہاں 4 لوگ تعریف کرتے ہیں وہاں 10 لوگ برائی کرتے ہمیں مثبت چیزوں پر توجہ دینی چاہیے۔

علیزے شاہ کاکہناہے کہ شاید پاکستانی قوم آج کل دباوٴ کا شکار ہے شاید اس وجہ سے بھی وہ اداکاراؤں کو وہ احترام نہیں دے رہی جو ان کا حق ہے۔