وزیراعظم کی آذربائیجان کے صدر سے روسی زبان میں گفتگوپرسب ششدر رہ گئے

فوٹو:اسکرین گریب
باکو: وزیراعظم شہباز شریف نے آذربائیجان کے صدر سے روسی زبان میں گفتگو کرکے سب کو حیران کردیا۔

صدر الہام علیوف کی دعوت پر آذربائیجان میں موجود وزیراعظم شہباز شریف نے میزبان کے ساتھ روسی زبان میں بات چیت کی، جس پروہاں موجود مہمان اور میزبان سب ہی خوشگوار طور پر حیران ہو گئے۔

وزیراعظم شہباز شریف اور آذربائیجان کے صدر الہام علیوف کی باکو میں روسی زبان میں گپ شپ نے سب کو حیران کر دیا

وزیراعظم شہباز شریف نے روسی زبان میں بات چیت کرکے مہمانوں اور میزبانوں کو خوشگوار سرپرائز دیا pic.twitter.com/O1SQj8iXB4

— PMLN (@pmln_org) June 15, 2023

خیال رہے کہ اس سے قبل وزیراعظم شہباز شریف دورہ ترکیہ کے دوران ایک عوامی مقام پر ترک شہریوں سے ملے تھے اور وہاں بھی انہوں نے عام افراد کے ساتھ ترک زبان میں بات چیت کی تھی، جس پر ترک شہریوں نے حیرانی اور خوشی کا اظہار کیا تھا۔

علاوہ ازیں گزشتہ برس کے پی میں سیلاب متاثرہ علاقوں کے دورے پر آئے ہوئے جرمن سیاحوں کے ساتھ وزیراعظم شہباز شریف نے جرمن زبان میں بات کی تھی، جس پر شہری اور جرمن مہمان حیران ہوئے تھے۔

ایک اور واقعے میں شہباز شریف نے بطور اپوزیشن لیڈر قومی اسمبلی میں بحرین کے اسپیکر کو عربی زبان میں خوش آمدید کہا تھا۔
یاد رہے کہ وفاقی وزیر اطلاعات مریم اورنگزیب کے مطابق شہباز شریف 6 بین الاقوامی زبانیں بول سکتے ہیں۔