عمران نیازی بین الاقوامی ذرائع ابلاغ کے ساتھ اپنے انٹرویوز میں غلط معلومات فراہم کر رہے ہیں،وزیراعظم

فائل:فوٹو

اسلام آباد: وزیراعظم شہباز شریف کاکہناہے کہ چیئرمین تحریک انصاف عمران نیازی بین الاقوامی ذرائع ابلاغ کے ساتھ اپنے انٹرویوز میں کھلے عام اور جان بوجھ کر غلط معلومات فراہم کر رہے ہیں۔

سماجی رابطے کی ویب سائٹ ٹویٹر پر اپنے ایک ٹویٹ میں وزیراعظم نے کہا کہ 9 مئی کے بعد کے واقعات کو ‘انسانی حقوق کی خلاف ورزیوں’ اور ‘سیاسی احتجاج کے حق کو سلب کرنے’ کے طور پر ان کی وضاحت نہ صرف گمراہ کن ہے اس کا مقصد ملک سے باہر رائے سازوں کو جوڑ توڑ اور ان پر دباؤ ڈالنا ہے۔

In his interviews with international media outlets, Imran Niazi is openly and deliberately disinforming local & foreign audiences by glib talk laced with fake news & plain misrepresentation. His expedient description of the post-May 9 events as 'human rights abuses' & 'stifling…

— Shehbaz Sharif (@CMShehbaz) June 5, 2023

انہوں نے کہا کہ میں سیاق و سباق کو درست کرتا ہوں ان کی پارٹی نے 9 مئی کو جو کیا وہ ریاست پاکستان پر ایک ڈھٹائی سے حملہ تھا، جس میں مذموم ارادے اور مذموم مقاصد تھے، دنیا کا کوئی بھی ملک اپنی سالمیت کو تباہ کرنے کی ایسی کوشش کو برداشت نہیں کرے گا۔

وزیراعظم نے کہا کہ میں سب کو یقین دلاتا ہوں کہ مجرموں سے قانون کے تحت نمٹا جائے گا، میں اس بات کو یقینی بناؤں گا کہ حقوق کی خلاف ورزی نہ ہو۔

شہباز شریف نے مزید کہا کہ ہر معاملے میں قانون کے تحت مناسب طریقے سے نمٹایا جائے گا، پاکستان انسانی حقوق سے متعلق اپنی تمام آئینی اور بین الاقوامی ذمہ داریوں کا مکمل احترام اور پابند ہے۔