نیشنل

ابرار الحق کو تحریک انصاف چھوڑنے کے بعد لندن میں شو کرنا مہنگا پڑ گیا، ہنگامہ آرائی

By Zameeni Haqaiq
52 / 100
Powered by Rank Math SEO

فوٹو: اسکرین گریب

لندن: ابرار الحق کو تحریک انصاف چھوڑنے کے بعد لندن میں شو کرنا مہنگا پڑ گیا، ہنگامہ آرائی ، تلخ کلامی، پولیس بلانا پڑگئی، پولیس نے پہنچ کر بحظاظت نکلنے میں مدد کی۔

پاکستان میں گلوکاری کے بعد پی ٹی آئی میں شمولیت اختیار کرنے والے گلوکار ابرارالحق کو پارٹی چھوڑنے کے فیصلے پر بیرون ملک سخت مزاحمت کا سامنا کرنا پڑا۔

میڈیا رپورٹس کے مطابق حال ہی میں پی ٹی آئی اور سیاست کو خیرباد کہنے والے گلوکار ابرار الحق کوپی ٹی آئی چھوڑنے والے ایک اور بزنس مین علیم خان کی ہاؤسنگ سوسائٹی کی جانب سے منعقد کنسرٹ میں پرفارمنس کیلئے لندن مدعو کیا گیا تھا۔

ابرارالحق شیڈول کے مطابق لندن پہنچے اور کنسرٹ تو کرلیا تاہم بعد میں میڈیا سے بات چیت کے دوران پی ٹی آئی کارکنان نے ابرار الحق کو گھیر لیا۔

پی ٹی آئی کارکنان، ابرار الحق کے گارڈز اور میڈیا کے درمیان تلخ کلامی اور لڑائی کی وجہ سے ہنگامی صورتحال پیدا ہونے پر انتظامیہ نے پولیس کو بُلا لیا۔

بات بڑھنے لگی تو لندن پولیس نے ابرار الحق کی بحفاظت واپسی کیلئے گاڑی کو اپنے حصار میں لے کر انہیں وہاں سے روانہ کیا۔

ان واقعات کے بعد ابرار الحق کی متعدد ویڈیوز سوشل میڈیا پر گردش کر رہی ہیں جس میں انہیں پرفارم کرتے اور میڈیا سے بات چیت کرتے دیکھا جا سکتا ہے۔

اس موقع پر میڈیا کے سوالات پرابرار الحق کا کہنا تھا کہ انہوں نے اپنی مرضی سے سیاست سے دوری اختیار کی ہے ان پر کسی قسم کا کوئی دباؤ نہیں ہے۔

یہ بھی کہا کہ سیاست میں شمولیت ان کا آئینی حق ہے اور وہ مستقبل میں واپس بھی اس کا حصہ بن سکتے ہیں تاہم فلوقت انہیں سیاسی مستقبل نظر نہیں آرہا۔

سوشل میڈیا پر گردش کرنے والی ایک ویڈیو میں دیکھا جا سکتا ہے کہ ابرار کنسرٹ کے دوران ہنگامہ آرائی کے بعد ڈرے ہوئے ہیں اور گاڑی سے اُترنے کیلئے انکار کر رہے ہیں۔

Zameeni Haqaiq 19076 posts 0 comments
You might also like More from author

Comments are closed.