فوٹو : فائل
کابل: افغانستان میں ملا محمد حسن اخوند سبکدوش ، مولوی عبدالکبیر کو نیاوزیراعظم مقرر کر دیا گیا، تحریک طالبان کے سپریم لیڈر ملاہیبت اللہ اخوند زادہ نے تبدیلی کے احکامات جاری کئے۔
اس حوالے سے عرب میڈیا کے مطابق تحریک طالبان کے رہنما ملا ہیبت اللہ اخوندزادہ نے ایک باضابطہ فیصلہ جاری کرتے ہوئے ملا محمد حسن اخوند کو وزیر اعظم کے عہدے سے سبکدوش کیا ہے.
وزارت عظمیٰ کے منصب پر نائب وزیر اعظم برائے سیاسی امور مولوی عبدالکبیر کو فائز کیا گیا ہے،ذرائع کے مطابق ملا محمد حسن کو خرابی صحت کی وجہ سے عہدے سے ہٹایا گیا ہے۔
بتایا گیا ہے کہ گزشتہ اپریل تحریک کے سرکاری ترجمانوں اور میڈیا اہلکاروں کو کابل سے جنوبی افغانستان کے شہر قندھار منتقل کرنے کا حکم دیا گیا تھا۔
افغان طالبان کمانڈر ملا ہیبت اللہ اخوانزادہ نے نیشنل انفارمیشن اینڈ میڈیا سینٹر کے سربراہ انعام اللہ سمنگانی کو بھی قندھار میں ثقافت اور اطلاعات کا سربراہ مقرر کیا ہے۔
تجزیہ کاروں کے مطابق اس طرح کے فیصلے حکومت پر اس کے کنٹرول کو سخت کرنے، میڈیا پر کنٹرول کو آسان بنانے اور تحریک کے سربراہ کے عہدوں کا اعلان آسان طریقے سے کرنے کے ساتھ ساتھ افغان میڈیا کو منظم کرنے کے نئے اقدامات کی نمائندگی کرتے ہیں۔
واضح رہے کہ طالبان قیادت کی جانب سے یہ فیصلہ بھی ایک ایسے وقت میں کیا گیا ہے جب کہ طالبان کی صف اول کی قیادت اور سراج الدین حقانی کے درمیان اختلافات موجود ہیں۔
Comments are closed.