بھارتی ایئرلائن میں دوران پرواز بچھو نے خاتون مسافر کو کاٹ لیا

فائل:فوٹو

ممبئی: بھارت کی ایک ایئرلائن میں دوران پرواز بچھونکل آیا جس نے ایک خاتون مسافر کو ڈس لیا۔

اگرچہ ہوائی جہاز کے اندر چوہے اور لال بیگ ملنے کے واقعات ہوتے رہتے ہیں لیکن بھارتی پرواز میں ایک بچھو نے خاتون کو کا ٹ کھایا۔جس کے بعد فوری طور پر طیارے کو قریبی ایئرپورٹ پر اتارا گیا، تاہم خاتون اب خطرے سے باہر ہیں۔

’ ’ایئرانڈیا“ فضائی کمپنی نے اس واقعے کی تصدیق کی ہے لیکن یہ کہا ہے کہ 23 اپریل کو پیش آنے والے اس واقعے کے بعد خاتون کو تمام ضروری طبی امداد دی گئی ہے۔ ایئرانڈیا ترجمان نے اس واقعے کو افسوسناک قرار دیتے ہوئے اپنی نوعیت کا پہلا واقعہ کہا ہے۔

تاہم اس واقعے کے بعد انجینئرز اور ماہرین کی ٹیم نے طیارے کے ایک ایک گوشے کو اچھی طرح دیکھا اور اس کے بعد فضائی سفر کے لیے کلیئر قرار دیا تھا۔