فائل:فوٹو
چندی گڑھ: خالصتان رہنما امرت پال سنگھ نے اہلیہ کی حراست کے بعد گرفتاری دے دی۔ان کو آسام کی انتہائی سخت سیکورٹی والی جیل میں منتقل کردیا گیا ہے۔
بھارتی میڈیا کے مطابق خود کو پنجاب کے علاقے موگا میں پولیس کے حوالے کیا۔ امرت پال سنگھ نے گرفتاری سے قبل موگا کے گرودوارے میں خطاب کیا اور اس کے بعد پولیس کو اپنی موجودگی کی اطلاع دی۔
بھارتی پولیس 37 دنوں سے ’ وارث پنجاب دے‘ تنظیم کے بانی اور سربراہ اور خالصتان سربراہ امرت پال سنگھ کو تلاش کررہی تھی۔
پولیس حکام کا کہنا ہے کہ امرت پال سنگھ کو آسام کی انتہائی سخت سیکورٹی والی جیل میں منتقل کردیا گیا ہے۔ امرت پال کے 8 ساتھی پہلے ہی سے آسام جیل میں قید ہیں۔ امرت پال سنگھ کو سیکورٹی خطرہ ہونے اور ملکی مفادات کیخلاف کام کرنے کے الزامات پر گرفتار کیا گیا ہے۔
خیال رہے کہ چندروز قبل امرت پال سنگھ کی اہلیہ کو ائیرپورٹ سے گرفتار کیا گیا تھا۔
Comments are closed.