فائل:فوٹو
اسلام آباد: چائنیز بینک آئی سی بی سی نے پاکستان کیلئے ایک ارب تیس کروڑ ڈالر کی فنانسنگ فسیلٹی کی منظوری دیدی ہے جس کی پہلی پچاس کروڑ ڈالرز کی قسط اسٹیٹ بینک کو موصول ہوگئی ہے۔
سماجی رابطے کی ویب سائٹ ٹویٹرپر ایک ٹویٹ میں وزیر خزانہ اسحاق ڈار نے بتایا کہ چائنیز بینک آئی سی بی سی نے تمام کاروائی مکمل ہونے پر پاکستان کیلئے ایک ارب تیس کروڑ ڈالر کی فنانسنگ رول اوور کرنے کی منظوری دیدی ہے۔
Formalities completed & Chinese Bank, ICBC approved rollover of US$1.3 billion facility which has been repaid by Pakistan to ICBC in recent months. Facility will be disbursed in 3 instalments, first one of US$500 million has been received by SBP. It will increase forex reserves!
— Ishaq Dar (@MIshaqDar50) March 3, 2023
انہوں ے بتایا کہ پاکستان کو چائنیز بینک سے یہ رقم تین قسطوں میں ملے گی۔ پچاس کروڑ ڈالر کی پہلی قسط اسٹیٹ بینک کو موصول ہوچکی ہے، پچاس کروڑ ڈالر ملنے کے بعد ملکی زرمبادلہ کے ذخائر میں اضافہ ہوا ہے۔
قبل ازیں گزشتہ روز پریس کانفرنس میں وزیر خزانہ نے کہا تھا کہ ملک کی معیشت کے لیے فنانسنگ بہت اہم ہے کیونکہ ہمیں ادائیگی کے توازن کے بحران کا سامنا ہے، اسٹیٹ بینک کے پاس غیر ملکی ذخائر بمشکل تین ہفتوں کی درآمدات کے باقی ہیں۔
انہوں نے بتایا تھا کہ پاکستان کو پہلے ہی چائنا ڈویلپمنٹ بینک سے 700 ملین ڈالر کا قرضہ مل چکا ہے تاکہ اس کے زرمبادلہ کے ذخائر کو بڑھانے میں مدد ملے۔
اسحاق ڈارنے کہا کہ پاکستان کو رواں مالی سال جون تک مالیاتی فرق کو ختم کرنے کے لیے 5 بلین ڈالر کی بیرونی فنانسنگ کی ضرورت ہوگی۔ جس کے لیے ہم کوشش کررہے ہیں اور اس میں کامیابی بھی حاصل کریں گے۔آئی ایم ایف پروگرام کے بعد ہی پاکستان کو بیرونی فنانسنگ ملے گی جو آئندہ ہفتے تک ممکن ہے۔
Comments are closed.