فوٹو : پی سی بی
ملتان: کراچی کنگز ملتان سلطانز سے جیتتے جیتتے 3 رنز سے ہار گیا، رضوان کی سنچری کی بدولت ملتان سلطانز نے کراچی کنگز کوجیت کیلئے 197 رنز کا ہدف دیا تھا۔
کراچی کنگز کی ٹیم مقررہ 20 اوورز میں 5 وکٹوں کے نقصان پر 193 رنز بناسکی آخری بال پر عماد وسیم باونڈری نہ لگا سکے اور یوں انھیں 3 رنز سے شکست کا سامنا کرنا پڑا۔
ملتان کے 197 رنز کے ہدف کے تعاقب میں کراچی کنگز کی اننگز کا آغاز شاندار رہا، پہلی وکٹ پر 72 رنز کی شراکت قائم ہوئی اور میتھیو ویڈ 20 رنز بنا کر آؤٹ ہوئے، جیمز ونس 75 رنز بناکر رنز آؤٹ ہوئے۔
حیدر علی بھی 12 رنز اور شعیب ملک 13 بنا کر کیچ آؤٹ ہوئے۔ کپتان عماد وسیم اور بین کٹنگ نے سلطانز کے بولر کے سامنے مزاحمت کی لیکن بین کٹنگ بھی 12 رنز بنا کر پویلین لوٹ گئے۔
عماد وسیم ٹیم کو ایک بار پھر فتح نہ دلا سکے۔ کنگز کو آخری اوور میں 15 رنز درکار تھے لیکن کراچی کی ٹیم مقررہ اوورز میں 5 وکٹوں کے نقصان پر 193 رنز بنا سکی اور یوں اسے 3 رنز سے شکست کا سامنا کرنا پڑا۔
Drama. Drama. Drama.
All the action in the 20th over ✨#HBLPSL8 | #SabSitarayHumaray | #MSvKK pic.twitter.com/DKebOW941u
— PakistanSuperLeague (@thePSLt20) February 22, 2023
عماد وسیم 46 رنز بنا کر ناٹ آؤٹ رہے۔ملتان کی جانب سے عباس آفریدی نے 2، اسامہ میر اور خوشدل شاہ نے ایک ایک کھلاڑی کو آؤٹ کیا۔
اس سے قبل ملتان میں کھیلے گئے میچ میں کراچی کنگز نے ملتان سلطانزکے خلاف ٹاس جیت کر پہلے فیلڈنگ کا فیصلہ کیا اور ملتان نے پہلے کھیلتے ہوئے 196 رنز اسکور کیے.
ملتان سلطانز کے کپتان محمد رضوان نے شاندار سنچری اسکور کی۔ رضوان 64 گیندوں پر 4 چھکوں اور 10 چوکوں کی مدد سے 110 رنز بناکر ناٹ آؤٹ رہے۔ شان مسعود نے 51 اور ریلی روسو نے 29 رنز بنائے۔
ملتان سلطانز نے مقررہ اوورز میں 2 وکٹوں کے نقصان پر 196 رنز بنائے، کراچی کی جانب سے محمد عمر اور شعیب ملک نے ایک ایک وکٹ لی۔
واضح رہے کہ ملتان سلطانز رواں سیزن کی ٹاپ ٹیم ہے، اس نے 5 میچز کھیلے ہیں اور صرف ایک میں شکست ہوئی ہے۔ کراچی کنگز بھی 5 میچز کھیل چکی جن میں سے اُسے 4 میں شکست کا سامنا کرنا پڑا۔
Comments are closed.