بگ بیش لیگ کے میچ کے دوران کھلاڑی نے ناقابل یقین کیچ ،ویڈیووائرل

فوٹو:سوشل میڈیا

کینبرا:آسٹریلیا میں جاری بگ بیش لیگ کے میچ کے دوران کھلاڑی نے ناقابل یقین کیچ پکڑ کر سب کو حیران کر دیا جبکہ بلے باز کو آوٴٹ قرار دینا موضوع بحث بن گیا۔

This is fascinating.

Out? Six? What's your call? #BBL12 pic.twitter.com/v22rzdgfVz

— KFC Big Bash League (@BBL) January 1, 2023

سڈنی سکسرز کے بلے باز جورڈن سلک نے چھکا لگانے کی کوشش کی لیکن برسبین ہیٹ کے فیلڈر مائیکل نیسر نے باوٴنڈری پر کیچ پکڑ کر بلے باز کو پویلین بھیج دیا۔

مائیکل نیسر کی جانب سے منفرد انداز میں کیچ لینے کے بعد کھلاڑی کا آوٴٹ ہونا موضوع بحث بنا ہوا ہے اور کئی کرکٹ مبصرین اس قانون کو بدلنے کا مشورہ دے رہے ہیں۔

برسبین ہیٹ کے فیلڈر مائیکل نیسر کیچ پکڑتے ہوئے باوٴنڈری کے اندر گئے تو انہوں نے گیند کو ہوا میں اچھالا لیکن گیند پھر بھی باوٴنڈری کے باہر ہی رہی تو انہوں نے چھلانگ لگا کر گیند کو دوبارہ پکڑ کر باوٴنڈری کے اندر اچھال دیا اور پھر خود بھی اندر آکر کیچ پکڑ لیا۔

فیلڈر کی جانب سے ایسا کیچ پکڑنے پر تھرڈ امپائر نے جائزہ لینے کے بعد بلے باز کو آوٴٹ قرار دیا، جس کے بعد معاملہ بحث کی شکل اختیار کر دیا۔

خیال رہے کہ لیگ کے اس میچ میں برسبین ہیٹ نے سڈنی اسکسرز کو پانچ وکٹوں سے شکست دی۔