فرانس ، کارگو طیارہ لینڈنگ کے وقت جھیل میں ڈوبنے سے بچ گیا

فوٹو:سوشل میڈیا

پیرس: فرانس میں ایک کارگو طیارہ لینڈنگ کے وقت جھیل میں ڈوبنے سے بچ گیا۔طیارے میں سوار 3 افراد کو بحفاظت نکال لیا گیاہے۔

غیرملکی میڈیا کے مطابق پیرس سے ٹیک آف کرنے والا ایک کارگو طیارہ مونٹ پیلیئر ائیرپوررٹ پر لینڈنگ کے دوران بے قابو ہوگیا اوررن وے سے نکل کر جھیل کے کنارے جا کر رک گیا۔

بوئنگ 737 طیارے کا اگلا حصہ اس انداز سے کنارے پر جا کراٹک گیا جیسے کوئی بحری جہاز نگر انداز ہو۔ فرانسیسی حکام کے مطابق واقعہ کی اطلاع ملتے ہی 60 فائرفائٹرز موقع پر پہنچ گئے۔ کارگو طیارے میں سوار 3 افراد کو بحفاظت نکال لیا گیا۔

ائیرپورٹ کو مسافراورکارگو طیاروں کے لئے غیرمعینہ مدت تک کے لئے بند کردیا گیا۔ واقعہ کی مزید تحقیقات جاری ہیں۔ایوی ایشن حکام کاکہناہے کہ اس حادثے میں کوئی جانی نقصان نہیں ہوا تاہم حادثے کی تحقیقات کی جا رہی ہیں۔