اسلام آباد(ویب ڈیسک )وفاقی وزیر اطلاعات و نشریات فواد چوہدری نے پیپلز پارٹی کے رہنما خورشید شاہ کے بیان پر ردعمل دیتے ہوئے کہا کہ وہ اپنے کرتوتوں کو سامنے رکھتے ہوئے ’بے نظیر‘ اور ’بھٹو‘ کو بیچنا بند کریں۔
خورشید شاہ نے سکھر میں گفتگو کرتے ہو ہے کہا تھا کہ وزیراعظم کو بےنظیر انکم سپورٹ پروگرام کا نام بدلنے کی بات پر شرم کر نا چایے۔ انھوں نے کہا مجھے ڈر ہے تبدیلی سرکار کرنسی سے قائداعظم کی تصویر نہ ہٹا دے۔
وزیر اطلاعات فواد چوہدری نے ٹوئٹر پیغام میں خورشید شاہ کے لیے لکھا کہ اداروں کی تباہی میں سب سے بڑا حصہ اُن (خورشید شاہ) کا ہے۔
انہوں نے کہا کہ یہ اس کمیٹی کے سربراہ تھےجنہوں نے اداروں میں میرٹ کے برعکس اور سیاسی بھرتیوں کا انبار لگا دیا جو دیمک اداروں کو لگی اس کا سب سے بڑا کیڑا خورشید شاہ ہیں۔
فواد چوہدری کا کہنا تھا کہ خورشید شاہ اپنے کرتوتوں کو سامنے رکھتے ہوئے بے نظیر اور بھٹو کو بیچنا بند کریں۔
خورشید شاہ کا کہنا تھا کہ ‘محترمہ بینظیر بھٹو نے پیپلز پارٹی کے لیے نہیں ملک کے لیے قربانی دی، عمران خان تم بینظیر کا نام ہٹانا چاہتے ہو مگر لوگوں کے دلوں سے کیسے نام ہٹاؤ گے، جو تاریخ خون سے لکھی جائے اس کا نام پانی سے نہیں مٹایا جاسکتا’۔
Comments are closed.