فوٹو: زمینی حقائق
اسلام آباد(زمینی حقائق)بہار کا آغاز تو ہو چکا ، وفاقی دارالحکومت میں جشن بہاراں کی شروعات روز اینڈ جاسمین گارڈن میں پھولوں اورپرندوں کی نمائش سے ہوتی ہے۔
ہر سال کی طرح اس بار بھی اسلام آباد ہارٹیکلچرل سوسائٹی اور سی ڈی اے کے اشتراک سے37 ویں جشن بہاراں کا اہتمام کیاگیا ہے۔
نمائش میں موسم بہار کے پھولوں، سبزیوں اور پرندوں کی نمائش کا اہتمام کیا گیا اس موقع پر شہریوں کی بڑی تعداد میں آمد کا سلسلہ دن بھر جاری رہا۔
بچو ں اور اہل خانہ کے ساتھ آنے والے شہری جہاں جگہ جگہ بنائے گئے پھولوں کے غنچوں کے ساتھ تصاویر بناتے ہیں وہاں سٹالز سے بیجز بھی خریدتے نظر آتے ہیں۔
جشن بہاراں کی مناسب سے بہار کے پھولوں کی نمائش میں شہریوں کی دلچسبی کے لئے سٹالز بھی لگائے گئے ہیں جہاں خریداری کے تمام ائٹمز موجود ہیں وہاں کھانے پینے کا بھی اہتمام کیاگیاہے۔
نمائش میں منفرد اقسام کے گملوں ورائٹی ہے تاہم شہریوں کو یہ شکایت ہے کہ یہ گملے تو دیدہ زیب اور خوبصورتی کیلئے اچھے ہیں مگر ان کی قیمتیں بہت زیاد ہ ہیں۔
جاسمین اینڈ روز گارڈن میں لگی اس نمائش کا کمشنر اسلام آباد نے افتتاح کیا ہے یہ 31مارچ تک جاری رہے گی۔
Comments are closed.