ہنزہ (فرمان علی )ہنزہ کی انیتا کریم نے سنگا پور میں کھیلی گئی مکس مارشل چمپئن شپ جیت لی، واپس پہنچنے پر لوگوں نے والہانہ استقبال کیا
انتیا کریم نے سنگا پور میں ہونے والی چمپئن شپ میں پاکستان کا نام روشن کیا تو ہنزہ کے باسیوں نے بھی اس کی صلاحیتوں کا کھل کر اعتراف کیا ۔
بین الاقوامی سطح پر ملک کا نام روشن کرنے والی پاکستان کی پہلی مکس مارشل آرٹس گولڈ میڈلسٹ انیتہ کریم کی اپنی آبائی ضلع ہنزہ آمد پر والہانہ استقبال کیا گیا۔
انیتا کریم جب ہنزہ کے حدود میں داخل ہوئیں تو عوام کی ایک کثیر تعداد ان کا استقبال کرنے کے لیے پہنچ گئی۔
اس موقع پر ہنزہ میں جگہ جگہ سڑک کے اطراف خواتین،بچے،مرد اور بزرگ پھولوں کے ہار لئے استقبال کے لیے کھڑے تھے۔
لوکل بینڈ کے ساتھ اسماعیلی پائپ بینڈ نے استقبالیہ پروگرام میں حصہ لے کر استقبالیہ پروگرام کو چار چاند لگا دیئے۔
Comments are closed.