فوٹو: فائل
اسلام آباد( زمینی حقائق ڈاٹ کام)تحریک انصاف کے سربراہ عمران خان نے تحریک عدم اعتماد پر حکمت عملی کیلئے پی ٹی آئی کی کور کمیٹی کاہنگامی اجلاس طلب کرلیاہے۔
وزیراعظم عمران خان کی طرف سے بلائے گئے پی ٹی آئی کور کمیٹی کا ہنگامی اجلاس اپوزیشن کی طرف سے وزیراعظم کے خلاف پیش کی گئی تحریک عدم اعتماد کو ناکام بنانے کی حکمت پر غور کیا جائے گا۔
ذرائع کے مطابق کچھ اپوزیشن ارکان اسمبلی حکومتی یقین دہانیوں کے بدلے تحریک ناکام بنانے پر آمادہ ہیں، اس حوالے سے بھی معاملا زیر بحث آئے گا کہ یہ ارکان کیسے کردار ادا کریں تاکہ انھیں محفوظ طریقہ کار میسر ہو۔
ذرائع کا کہنا ہے کہ یہ ارکان اپنی پارٹیاں بھی نہیں چھوڑیں گے اور وزیراعظم کے خلاف تحریک عدم اعتما د کیلئے دستیاب نہ ہونے کیلئے آمادہ ہیں ان کی پہلی شرط یہ ہے کہ نام نہ لئے جائیں۔
کور کمیٹی کے ہنگامی اجلاس میں اب تک اتحادیوں کے ساتھ رابطوں کی تفصیلات زیر بحث آئیں گی جب کہ قومی اسمبلی کاا جلاس کب بلانا ہے اس کے حوالے سے بھی مشاورت کی جائے گی۔
آج وزیراعظم عمران خان کی زیرصدارت ہونے والی کور کمیٹی اجلاس میں آزادی چوک اسلام آباد ہونے والے جلسے کے علاوہ قومی اور سیاسی امور پر مشاورت کی جائے گی- اجلاس میں اپوزیشن کی تحریک عدم اعتماد کی ناکامی کے بعد کا لاحہ عمل بھی زیر بحث ہوگا – قومی اسمبلی کا اجلاس جلد بلایا جارہاہے
— Faisal Javed Khan (@FaisalJavedKhan) March 13, 2022
اجلاس میں آزادی چوک اسلام آباد میں ہونے والے جلسے کے علاوہ قومی اور سیاسی امور پرمشاورت کی جائے گی جبکہ اپوزیشن کی تحریک عدم اعتماد کی ناکامی کے بعد کا لائحہ عمل بھی زیر بحث ہوگا۔
اسلام آباد میں ہونے والے اجلاس میں موجودہ صورتحال سے متعلق اہم فیصلوں کا امکان ہے،گزشتہ روزپی ٹی آئی کی سینئر قیادت کے اہم اجلاس میں بھی اپوزیشن کی تحریک عدم اعتماد سے متعلق حکمت عملی زیر بحث آئی تھی۔
Comments are closed.