پشاور( زمینی حقائق ڈاٹ کام)شرم کرو ! تم تو اپنے گاوں میں نہیں جیت سکتے ، نور عالم نے سازش بے نقاب کرنے کیلئے آنے والے خفیہ کال کا نمبر سوشل میڈیا پر شیئر کردیا۔
ان دنوں پاکستان تحریک انصاف کے رکن قومی اسمبلی نور عالم پارٹی قیادت کے خلاف بولنے پر زیر عتاب ہیں اور انھیں شوکاز نوٹس بھی جاری کیا گیا ہے اس کے باوجود نو رعالم دباو میں نہیں آئے۔
پی ٹی آئی کے رکن قومی اسمبلی نے سوشل میڈیا پر ایک فون نمبر شیئر کرتے ہوئے لکھا ہے میرے خلاف لوگوں کو احتجاج کے لیے آنے والی کالز کا نمبر یہ ہے۔
نور عالم نے سوشل میڈیا پر بیانمیں کہا کہ میرے حلقے کے لوگوں کو ایک نمبر سے کال کی گئی اور میرے خلاف احتجاج کرنے کا کہا گیا، انھوں نے بتایا کہ جس نمبر سے یہ کالیں کی گئیں وہ نمبر خیبر پختون خوا اسمبلی کا ہے۔
People of my constituency has been called from this number 0915270221 to protest against me this number belongs to provincial assembly of kpk I am amazed people who cannot win there own village are calling people to protest against me shame on them
— Noor Alam Khan (@NOORALAMKHAN) January 18, 2022
نور عالم نے مزید لکھا کہ میں حیران ہوں کہ جو لوگ اپنے گاؤں میں نہیں جیت سکتے وہ لوگوں کو میرے خلاف احتجاج کرنے کے لیے کال کر رہے ہیں، انہوں نے تحریر کیا کہ ایسے لوگ شرم کریں۔
واضح رہے پارٹی قیادت کے خلاف بولنے پر پی ٹی آئی کی طرف سے رکن قومی اسمبلی نور عالم خان کو شوکاز نوٹس جاری کیاگیاہے جو کہ صدر پی ٹی آئی خیبرپختونخوا پرویز خٹک کی طرف سے جاری کیا گیاہے۔
شوکاز نوٹس میں کہا گیا کہ نور عالم خان نے پارٹی قیادت پر الزامات لگائے جو میڈیا پر نشر اور شائع بھی ہوئے ہیں،انھیں کہا گیاہے کہ
پی ٹی آئی ممبر قومی اسمبلی اپنے الزامات پر پوزیشن واضح کریں۔
نور عالم کو شوکاز نوٹس پر وضاحتی جواب دستاویزی ثبوتوں کے ساتھ 24 جنوری تک جمع کرانے کی ہدایت کی گئی ہے جب کہ اس دوران ہی نور عالم نے وہ نمبر شیئر کردیاہے جس پر ان خلاف کالز کی گئی ہیں۔
Comments are closed.