اسلام آباد(زمینی حقائق ڈاٹ کام)مری سے تعلق رکھنے والے سابق وزیراعظم شاہد خاقان عباسی نے مری و گلیات میں غفلت کے ذمہ دار عمران خان ، بزدار ہیں، شاہد خاقان نے خدشہ ظاہر کیا کہ اموات بڑھ سکتی ہیں۔
میڈیا سے گفتگو کرتے ہوئے شاہد خاقان عباسی نے کہا کہ مری میں ہر سال برف پڑتی ہے، شہبازشریف ہر سال مری میں انتظامی امور کی نگرانی خود کرتے تھے، ہر مشکلات سے نمٹا جاتا تھا۔
انھوں نے کہایم ڈی اے نے ہفتہ پہلے پیشگوئی کی تھی کہ ریکارڈ برف باری ہوگی، لیکن انتظامات نہیں کیے گئے، مری میں اربوں کی مشینری موجود ہے چلانے والا کوئی نہیں ہے۔
مسلم لیگ ن کے مرکزی رہنماء اور سابق وزیر اعظم نے کہا ہے کہ مری اور گلیات میں لوگ پھنسے ہوئے ہیں، اللہ نہ کرے کہ اموات کی تعداد بڑھ سکتی ہے۔ حکمران کو عوام کی پرواہ نہیں ہے۔
اس سانحے کے قصور وار ان ایوانوں میں بیٹھے ہیں.قصور وار عمران خان ہے قصور وار عثمان بزدار ہے قصووار اس حکومت کی ناکامی ہے جسے عوام کی پرواہ نہیں ہے صرف اپنی حکمرانی کو طول دینے کیلیے بیٹھے ہیں.شاہدخاقان عباسی pic.twitter.com/EirPP9XJaI
— PML(N) (@pmln_org) January 8, 2022
انھوں نے کہا کہ مری میں مقامی لوگوں کو ہدایت کی ہے لوگوں کی مدد کریں، حکمرانوں کو غفلت کا حساب دینا ہوگا، اس سب کے قصور وار وزیراعظم عمران خان اور وزیراعلیٰ پنجاب عثمان بزدار ہیں یہ حکومتوں ناکامی ہے۔
مسلم لیگ ن کی مرکزی نائب صدر مریم نواز نے مری میں سیاحوں کے پھنسنے اور گاڑیوں میں موجود افراد کی اموات کے سانحہ پر افسوس کا اظہار کرتے ہوئے کہا کہ مری میں بے یارو مددگار چھوڑا گیا۔
برف میں دھنسے رہنے والے پورے کے پورے خاندانوں کی موت کے دردناک واقعہ نے دل ہلا کے رکھ دیا ہے،حکومت کو کوسنے کا کوئی فائدہ نہیں کیونکہ یہ مردہ ضمیر حکومت بہت پہلے مر چکی ہے۔
انہوں نے مزید کہا کہ اللّہ تعالی مرحومین اور ان کے لواحقین اور پاکستان پر اپناخصوصی رحم فرمائے۔ آمین ! خیال رہے مری میں برفباری کے دوران سڑکوں پر گاڑیاں پھنسنے سے 22افراد جاں بحق ہو گئے ہیں۔
آج حکومت ذمہ داری قبول کرے اور کہے کہ ہم ناکام ہوئے.اظہار ہمدردی کریں لواحقین کی مدد کریں لوگوں کو الزام مت دیں یہ معاملے جھوٹ سے نہیں چھپ سکتے.یہ آپکی غفلت ہے اس کا اعتراف آپکو کرنا پڑے گا.شاہدخاقان عباسی pic.twitter.com/rgJkEOBGcV
— PML(N) (@pmln_org) January 8, 2022
مری میں سیاحوں کی بڑی تعداد ویک اینڈ پر برفباری کا نظارہ کرنے پہنچی تھی، جہاں ایک لاکھ سے زائد گاڑیاں مری اور گلیات میں داخل ہوئیں۔ ٹریفک کا نظام درہم برہم ہوگیا۔ فیملیز گاڑیوں میں محصور ہو کر رہ گئیں۔
Comments are closed.