وفاقی وزیر شیریں مزاری کو اپنی بیٹی نے شرمندہ کر دیا

اسلام آباد(زمینی حقائق ڈاٹ کام) وفاقی وزیر برائے انسانی حقوق شیریں مزاری کی بیٹی ایمان زینب مزاری کے ٹویٹ نے اپنی ماں کو شرمندہ کردیا. 

ایمان زینب مزاری نے سوشل میڈیا پر حکومت کے طرز حکمرانی پر تنقید کرتے ہوئے لکھا کہ ملک جادو ٹونے سے ہی چلانا تھا تو قوم کا پیسہ اتنی بڑی کابینہ پر کیوں ضائع ہو رہا ہے؟ 

شیریں مزاری کی بیٹی کا کہنا ہے کہ جادو ٹونے سےملک کا مذاق اڑایا جا رہا ہے آپ چاہتے ہیں جادو کرنے والوں پر بات بھی نہ ہو، ایسا ہرگز نہیں ہو گا۔

I am ashamed you would resort to such low personalised unsubstantiated attacks esp since as a lawyer u shd know without any proof hurling such accusations is defamation. When all substantive issue-based criticism fails this level of a base personal attack is plain shameful. https://t.co/drbLN5bq9w

— Shireen Mazari (@ShireenMazari1) October 20, 2021

جواباً وفاقی وزیر شیریں مزاری نے اپنی بیٹی سے ٹوئٹر پر ہی کہا کہ میں شرمندہ ہوں کہ تم اس حد تک گر کر ذاتی حملے کر رہی ہو، بطور وکیل کسی ثبوت کے بنا الزامات لگانا ہتک عزت میں آتا ہے۔

وفاقی وزیر انسانی حقوق ڈاکٹر شیریں مزاری کا کہنا ہے کہ جب تمام تنقید کرنے میں ناکام ہو تو ذاتی حملے کرنا شرمناک ہے، میں شرمندہ ہوں. 

واضح رہے ان دونوں مریم نواز سمیت کئی اور سیاسی رہنما بھی وزیراعظم عمران خان پر جادو ٹونے کے ذریعے اہم تقرریاں کرنے کا الزام عائد کر چکے ہیں جبکہ وفاقی وزیر کی بیٹی نے بڑی کابینہ پر بھی تنقید کی ہے۔