اداکارہ صبا قمر کو ایف بی آر نے طلب کر لیا

لاہور (ویب ڈیسک ) ایف بی آر نے اداکارہ صبا قمر کو 16 مئی کو طلب کرلیا ہے۔ فیڈرل بیورو آف ریونیو کی جانب سے اداکارہ کو نوٹس جاری کر دیا گیا ہے۔

اس سلسلے میں معلوم ہوا ہے کہ اداکارہ کے سال 2014 اور 2015 کا آڈٹ کیا جا رہا ہے کہ ان دو برسوں کے دوران ان کے مالی گوشواروں کی تفصیلات کی تھیں۔ ایف بی آر نے اداکارہ کی اندرون و بیرون ملک سفری دستاویزات بھی ایف آئی اے سے حاصل کر لی ہیں ۔

ایف بی آر کا کہنا ہے کہ صبا قمر کو طلبی کا نوٹس جاری کر دیا گیا ہے اور اگر اس نوٹس کے بعد اداکارہ ایف بی آر کے سامنے پیش نہ ہوئیں تو ان کے خلاف سخت کارروائی بھی کی جا سکتی ہے۔

ایف بی آر یہ بھی انکوائری کر رہا ہے کہ اداکارہ نے 2014 اور 2015 کے دوران کتنا ٹیکس ادا کیا ۔