صحافیوں صابر شاکر، معید پیرزادہ، شاہین صہبائی اور سابق فوجی افسروں کو عمر قید کی سزا

فوٹو : فائل

اسلام آباد : عدالت نے صحافیوں صابر شاکر، معید پیرزادہ، شاہین صہبائی اور سابق فوجی افسروں کو عمر قید کی سزا سنا دی گئی، یہ سزائیں انسداد دہشت گردی عدالت نے ریاستی اداروں کے خلاف ڈیجیٹل دہشت گردی کے کیس میں سنائی ہیں.

اے ٹی سی جج طاہر عباس سپرا نے ٹرائل مکمل ہونے پر محفوظ کیا گیا فیصلہ سنایا۔ دوران سماعت ملزمان کی جانب سے گلفام اشرف گورائیہ ایڈووکیٹ عدالت پیش ہوئے۔

انسداددہشت گردی عدالت کے جج طاہر عباس سپرا نے نو مئی کو ریاستی اداروں کے خلاف ڈیجیٹل دہشت گردی کے کیس کی سماعت کی ٹرائل مکمل ہونے پرمحفوظ کیا گیا فیصلہ سنایا۔

اے ٹی سی نے سابق فوجی افسران عادل راجا، حیدر مہدی اور وجاہت سعید کو 2،،2، بارعمر قید کی سزا سنائی جب کہ صحافی صابر شاکر اور سابق ٹی وی اینکر معید پیرزادہ کو بھی دو،دو بارعمرقید کی سزا سنائی گئی.

عدالت نے ملزمان کو دیگر دفعات میں بھی مجموعی طور پر 35 سال قید کی سزائیں سنائیں۔ ملزمان کو مجموعی طور پر 15 لاکھ روپے جرمانے کی سزا بھی سنائی گئی۔

دوران سماعت پراسیکیوشن کی جانب سے مجموعی طور پر 24 گواہوں کوعدالت پیش کیا گیا ، عدالت نے پراسیکیوشن کی استدعا پر ملزمان کی غیر موجودگی میں ٹرائل مکمل کیا۔ پراسیکیوشن کی جانب سے راجا نوید حسین کیانی عدالت پیش ہوئے۔

تھانہ آبپارہ کے مقدمے میں صابر شاکر، معید پیرزادہ اور سید اکبر حسین کو عمر قید کی سزا سنائی گئی۔ تھانہ رمنا کے مقدمے میں شاہین صہبائی، حیدر مہدی اور وجاہت سعید کو سزا سنائی گئی۔

دوران سماعت ملزمان کی جانب سے گلفام اشرف گورائیہ ایڈووکیٹ عدالت پیش ہوئے۔ واضح رہے کہ گلفام گورائیہ ایڈووکیٹ کو عدالت کی جانب سے ملزمان کا وکیل مقرر کیا گیا تھا ۔ انسداددہشت گردی قوانین کے مطابق ملزمان کی عدم موجودگی میں ٹرائل کیا جاسکتا ہے۔