ایشیاکپ کی فاتح انڈر 19 ٹیم کے ہر کھلاڑی کو 50، 50 لاکھ روپے انعام کا اعلان

فوٹو : سوشل میڈیا

اسلام آباد : ایشیاکپ کی فاتح انڈر 19 ٹیم کے ہر کھلاڑی کو 50، 50 لاکھ روپے انعام کا اعلان، انعام کا اعلان چئیرمین پی سی بی محسن نقوی نے ایشیا کپ جیتنے کی خوشی میں کیا ہے.

چئیرمین پی سی بی محسن نقوی کی انڈر 19 کھلاڑیوں سے ملاقات ہوئی ہے، ذرائع کے مطابق محسن نقوی نے ہر کھلاڑی کے لئے 50 50 لاکھ روپے کا اعلان کردیا، کھلاڑیوں سے گفتگو میں کہا کہ آپ سب نے پاکستان کا نام فخر سے بلند کیا۔

محسن نقوی نے کہا کہ سمیر منہاس آپ ہمارا فخر ہیں آپ نے بہترین کھیل پیش کیا، سمیر منہاس سے چیئرمین پی سی بی نے گفتگو میں ان کے لئے انفرادی اعلان بھی کیا۔ پی سی بی نے ایمرجنگ ایشیاکپ جیتنے پر بھی ہر کھلاڑی کیلئے50-50 لاکھ روپے کا اعلان کیا تھا۔

واضح رہے کہ انڈر19 ایشیاکپ کی فاتح ٹیم کے کھلاڑی آج وزیراعظم شہباز شریف سے ملاقات کریں گے، اُمید کی جارہی ہے وہ بھی ٹیم کیلئے انعام کا اعلان کریں گے.