حکومت ن لیگ کی، فیصل ووڈا کیوں 27 ویں ترمیم منظوری کیلئے سرگرم؟

فوٹو : سوشل میڈیا 

اسلام آباد : حکومت ن لیگ کی، فیصل ووڈا کیوں 27 ویں ترمیم منظوری کیلئے سرگرم؟فیصل ووڈا ہمیشہ سے پیپلزپارٹی اور بالخصوص مسلم لیگ نون کے ناقد رہے ہیں اس کے باوجود کہ وہ انہی کے ووٹوں سے سینیٹر بنے.

سوال یہ پیدا ہوتا ہے کہ اگر ترمیم شہباز شریف کی حکومت لے کرآرہی ہے تو سینیٹر ووڈا کس کے کہنے پر سرگرمی سے رابطے کر ہیں؟

سینیٹر فیصل واوڈا نے جمعیت علمائے اسلام کے سربراہ مولانا فضل الرحمان سے ملاقات کی جس میں ملکی سیاسی صورتحال پر تبادلہ خیال کیا گیا۔

ملاقات کے بعد میڈیا سے گفتگو میں فیصل واوڈا کا کہنا تھاکہ مولانا فضل الرحمان سے ملاقات ہوتی رہتی ہے، ان سے ملاقات کے بعد ہمیشہ مثبت جاتا ہوں، وہ مضبوط سیاستدان ہیں۔

انہوں نے کہا کہ 27 ویں ترمیم پر مولانا فضل الرحمان اپنا فیصلہ کریں گے، نمبرز کی بات نہیں، پاکستان کی بقا اور سلامتی کی بات ہے، مولانا فضل الرحمان نے ہمیشہ پاکستان کا ساتھ دیا ہے.

مولانا فضل الرحمان سے ستائیسویں ترمیم کی شقوں پر بات ہوئی اور انہوں نے کہا کہ 27 ویں ترمیم کی شقوں کو دیکھوں گا،

سینیٹر فیصل واوڈا کا کہنا تھاکہ ترمیم کی منظوری کیلئے نمبر زیادہ ہی ہیں، مولانا فضل الرحمان کے ساتھ نمبروں پر بات نہیں ہوئی، ان کے ساتھ تعلق قائم رہےگا، سیاستدان سیاست کر سکتا ہے تو جج، پولیس والا کیوں نہیں کام کرسکتا؟

انھوں نے کہا کہ 18ویں ترمیم کو ختم نہیں کیا جارہا، ایک دوسرے سے مشاورت کیساتھ ترمیم پر نظرثانی ہوجاتی ہے، 243 میں صرف زمینی جنگ نہیں، سائبرگلوبل اکنامک جنگ بھی شامل ہے۔

ان کا کہنا تھاکہ پی ٹی آئی کو 27 ویں آئینی ترمیم پر اعتماد میں لینا چاہیے، پی ٹی آئی اگر اچھی سیاست کرتی ہے تو بالکل اعتماد میں لینا چاہیے، افواجِ پاکستان کو مضبوط کریں گے تو پاکستان کا دفاع مضبوط ہوگا.

پی ٹی آئی نے اچھی سیاست کرنی ہے تو ترمیم پر بات کریں، اگر پی ٹی آئی نے منفی سیاست کی تو پھر چھلیاں کھائیں۔

سینیٹر فیصل واوڈا کا کہنا تھاکہ مولانا فضل الرحمان اگر ترمیم کے وقت آجاتے ہیں تو اچھی بات ہے، مولانا فضل الرحمان پاکستان کی اہم شخصیت ہیں، میں حکومت کا کام نہیں کررہا، اپنا کام کرنے آیا ہوں.

کہا کہ 27 ویں آئینی ترمیم سے متعلق جہاز نے اڑان بھرلی ہے جس جگہ پر نمبر چاہیے مل جائیں گے، آصف زرداری سیاست کے بڑے کھلاڑی ہیں، باپ بیٹے کا زبردست کمبی نیشن ہے۔

انہوں نے کہا کہ ٹی ایل پی پر ایک مسئلے کی وجہ سے پابندی عائد ہوئی ہے، پولیس کے سامنے کچھ ہوگا تو ری ایکشن پر پھینٹا بھی لگے گا۔