حکومت کو پھرفضل الرحمان سے کام پڑ گیا،بلاول بھٹوکی آمد پر مولانا سے مزاکرات مزاکرات شروع

فوٹو : سوشل میڈیا

اسلام آباد : حکومت کو پھرفضل الرحمان سے کام پڑ گیا،بلاول بھٹوکی آمد پر مولانا سے مزاکرات مزاکرات شروع ،چیئرمین پاکستان پیپلز پارٹی بلاول بھٹو زرداری اور جمعیت علماء اسلام کے سربراہ مولانا فضل الرحمان قومی اسمبلی کی اپوزیشن لیڈر کے معاملے پر بیٹھک ہوئی ہے۔

اسلام آباد میں بلاول بھٹو زرداری نے مولانا فضل الرحمان سے اُن کی رہائش گاہ پر ملاقات کی ہے، اس موقع پر نیئر بخاری، جمیل سومرو، ہمایوں خان اور مولانا اسعد محمود موجود تھے۔

ذرائع کے مطابق بلاول بھٹو اور فضل الرحمان کی ملاقات میں قومی اسمبلی میں اپوزیشن لیڈر کی تقرری کا معاملہ زیر بحث آیا ہے۔

اس دوران اپوزیشن کی عددی حیثیت سے متعلقہ امور پر مشاورت ہوئی، بلاول بھٹو اپوزیشن لیڈر کی تقرری کے معاملے پر مولانا فضل الرحمان کے ساتھ اتحاد کے خواہاں ہیں۔

پیپلز پارٹی کے قومی اسمبلی میں 74 ارکان ہیں، جے یوآئی 6 جنرل نشستوں سمیت 10 ممبران کے ساتھ ایوان میں موجود ہے۔

پی ٹی آئی کی جانب سے محمود اچکزئی کی نامزدگی پر 74 ارکان نے دستخط کیے ہیں اور درخواست اسمبلی سیکریٹریٹ میں جمع کروا دی ہے۔

واضح رہے 26 ویں آئینی ترمیم کے وقت بھی مولانا فضل الرحمان سے حکمران جماعتوں نے مزاکرات مزاکرات کھیلے تھے اور بلاول بھٹو مولانا کو رام کرنے میں کامیاب ہو گئے تھے جس کے بعد 26ویں ترمیم کے بعد عدلیہ کو بے بس کردیا گیا تھا۔