صائم ایوب دنیا کے نمبر ون آل راؤنڈر بن گئے، شاہین آفریدی کی 12 درجے ترقی

فوٹو : فائل

لاہور : انٹرنیشنل کرکٹ کونسل (آئی سی سی) نے ٹی ٹوئنٹی پلیئرز کی نئی رینکنگ جاری کر دی ہے، جس میں پاکستان کے نوجوان کرکٹر صائم ایوب دنیا کے نمبر ون آل راؤنڈر بن گئے ہیں۔

صائم ایوب نے شاندار کارکردگی کے باعث 4 درجے بہتری کے بعد پہلی پوزیشن حاصل کی اور بھارت کے ہاردیک پانڈیا کو پیچھے چھوڑ دیا۔

تازہ رینکنگ میں ہاردیک پانڈیا دوسرے نمبر پر چلے گئے ہیں۔ پاکستان کے محمد نواز بھی 4 درجے ترقی کے بعد 13ویں نمبر پر آگئے جبکہ فہیم اشرف 4 درجے بہتری کے بعد 35ویں پوزیشن پر موجود ہیں۔

ٹی ٹوئنٹی بولرز کی رینکنگ میں بھارت کے ورون چکرورتھی کا پہلا نمبر برقرار ہے۔ پاکستان کے ابرار احمد 3 درجے تنزلی کے بعد ساتویں پوزیشن پر پہنچ گئے ہیں۔

بھارت کے کلدیپ یادیو نے 9 درجے بہتری کے بعد 12ویں نمبر پر جگہ بنائی ہے۔ پاکستان کے فاسٹ بولر شاہین شاہ آفریدی 12 درجے ترقی کے بعد 14ویں نمبر پر پہنچ گئے ہیں۔

سفیان مقیم 3 درجے تنزلی کے بعد 19ویں نمبر پر آگئے ہیں۔ بھارت کے جسپریت بمرا بھی 12 درجے ترقی کے بعد 29ویں نمبر پر آگئے جبکہ پاکستان کے حارث رؤف 5 درجے تنزلی کے بعد 33 ویں نمبر پر موجود ہیں۔

بیٹرز کی رینکنگ میں بھارت کے ابھیشک شرما کی پہلی پوزیشن برقرار ہے جبکہ سری لنکا کے پاتھم نسانکا 2 درجے ترقی کے بعد پانچویں نمبر پر پہنچ گئے۔

بھارتی کپتان سوریا کمار یادیو کی کارکردگی میں کمی کے باعث وہ دو درجے تنزلی کے بعد آٹھویں نمبر پر چلے گئے ہیں۔ پاکستان کے صاحبزادہ فرحان 11 درجے لمبی چھلانگ لگا کر 13ویں نمبر پر پہنچ گئے ہیں۔

اس کے علاوہ پاکستان کے بابر اعظم دو درجے تنزلی کے بعد 37ویں نمبر پر آگئے ہیں جبکہ محمد رضوان بھی تین درجے کمی کے بعد 41ویں پوزیشن پر موجود ہیں۔

صائم ایوب دنیا کے نمبر ون آل راؤنڈر بن گئے، شاہین آفریدی کی 12 درجے ترقی