فوٹو : فائل
راولپنڈی: 9مئی کے جی ایچ کیو حملہ کیس میں اہم پیش رفت سامنے آئی ہے، انسداد دہشت گردی عدالت نے بانی پی ٹی آئی عمران خان کی جانب سے ٹرائل روکنے کی درخواست خارج کر دی۔
عدالت نے کیس کی مزید سماعت 30 ستمبر تک ملتوی کر دی ہے۔
عدالت میں عمران خان کی لیگل ٹیم نے مؤقف اختیار کیا تھا کہ ویڈیو لنک ٹرائل سے متعلق لاہور ہائی کورٹ راولپنڈی بینچ کے فیصلے تک کارروائی روکی جائے، تاہم عدالت نے یہ استدعا مسترد کر دی۔
سماعت کے دوران استغاثہ کے تین گواہوں ڈی ایس پی اکبر عباس، انسپکٹر عصمت کمال اور انسپکٹر تہذیب الحسن کے بیانات قلمبند کیے گئے۔
عدالت نے 8 گواہوں کو دوبارہ طلب کرنے سے متعلق درخواست پر پراسیکیوشن کو نوٹس بھی جاری کر دیے۔
انسداد دہشت گردی عدالت نے واضح کیا کہ کیس کا ٹرائل جاری رہے گا اور اگلی سماعت 30 ستمبر کو ہوگی۔
9مئی جی ایچ کیو حملہ کیس، عمران خان کی ٹرائل روکنے کی درخواست مسترد
Comments are closed.