بھارت نے ٹی 20 ایشیاء کپ میچ میں پاکستان کو یکطرفہ مقابلے میں 7 وکٹوں سے ہرا دیا

فوٹو : کرک انفو

دبئی : بھارت نے ٹی 20 ایشیاء کپ میچ میں پاکستان کو یکطرفہ مقابلے میں 7 وکٹوں سے ہرا دیااور اگلے مرحلے کے لیے پوزیشن مستحکم کر لی،قومی ٹیم کی بیٹنگ چلی نہ باولنگ چل سکی.

دبئی میں پاکستانی ٹیم نے بھارت کو 128 رنز کا ہدف دیا تھا، جو اس نے 16 ویں اوور میں 3 وکٹ کے نقصان پر حاصل کر لیا، کلدیپ یادیو میچ کے بہترین کھلاڑی قرار پائے ہیں۔

بھارتی کپتان سوریا کمار یادیو نے 47 رنز کی ناقابلِ شکست اننگز کھیلی، ابھیشیک شرما اور تلک ورما نے 31، 31 رنز اسکور کیے۔

بھارت کے شمبن گل 10 رنز بنا کر آؤٹ ہوئے جبکہ شیوم دوبے 10 رنز کے ساتھ ناقابلِ شکست رہے،پاکستان کی طرف سے تینوں وکٹیں صائم ایوب نے حاصل کیں۔

اس سے قبل پاکستان نے صاحبزادہ فرحان اور شاہین شاہ آفریدی نے عمدہ بیٹنگ پرفارمنس کی بدولت مقررہ 20 اوورز میں 9 وکٹ پر 129 رنز بنائے تھے۔

صاحبزادہ فرحان نے 44 گیندوں پر 40 رنز بنائے جبکہ شاہین شاہ آفریدی نے ناقابلِ شکست رہتے ہوئے 33 رنز اسکور کیے، انہوں نے اس دوران 4 چھکے بھی لگائے۔

صائم ایوب اور محمد نواز صفر، محمد حارث اور سلمان علی آغا 3، 3، حسن نواز 5، سفیان مقیم 10، فہیم اشرف 11 اور فخر زمان 17 رنز بنا کر پویلین لوٹ گئے۔

بھارت کے کلدیپ یادیو نے 3، اکثر پٹیل اور جسپریت بمرا نے 2، 2 ہاردک پانڈیا اور ورون چکروتی نے 1، 1 وکٹ حاصل کی۔

پاکستان نے اب ایونٹ میں اپنا آخری گروپ میچ یو اے ای کے خلاف بدھ 17 ستمبر کو کھیلنا ہے جبکہ بھارت کا مقابلہ عمان سے 19 ستمبر کو ہو گا۔

گروپ اے میں پاکستان اور بھارت دو، دو میچز کھیل چکے ہیں جبکہ عمان اور یو اے ای کی ٹیموں کے 2، 2 میچز باقی ہیں۔