عمران خان کے خلاف مقدمات اور پی ٹی آئی رہنماؤں کو سنائی گئی سزاؤں کی تفصیلات

فوٹو : فائل

اسلام آباد (خصوصی رپورٹ) پاکستان تحریک انصاف کے چیئرمین عمران خان کے خلاف 150 سے زائد مقدمات قائم کیے گئے جن میں بدعنوانی، سرکاری راز افشا کرنے، غیر قانونی نکاح اور 9 مئی کے واقعات شامل ہیں۔ ان مقدمات میں سے بعض میں انہیں سزائیں سنائی گئیں جبکہ کئی کیسز تاحال زیر سماعت ہیں۔

 عمران خان کے خلاف سزائیں اور فیصلوں کی تفصیلات

• القدیر ٹرسٹ کیس: عمران خان کو 17 جنوری 2025 کو 14 سال قید کی سزا سنائی گئی جبکہ ان کی اہلیہ بشریٰ بی بی کو 7 سال کی سزا دی گئی۔ یہ اس وقت ان کے خلاف مؤثر سزا ہے۔

• القادر ٹرسٹ کیس میں سزا کیخلاف اپیل سماعت کےلئے مقرر نہیں ہو پارہی ،جس دن اسلام آباد ہائی کورٹ نے یہ سماعت کی یہ کیس بھی ختم ہوجانے کا قومی امکان ہے۔

• سائفر کیس: جنوری 2024 میں 10 سال کی سزا ہوئی لیکن اسلام آباد ہائی کورٹ نے جون 2024 میں بری کر دیا۔

• عدت کیس: فروری 2024 میں 7 سال قید کی سزا سنائی گئی، تاہم جولائی 2024 میں عدالت نے سزا کالعدم قرار دے کر بری کر دیا۔

• توشہ خانہ ریفرنس: 14 سال کی سزا سنائی گئی تھی لیکن اپریل 2024 میں اسلام آباد ہائی کورٹ نے سزا معطل کرتے ہوئے ضمانت دے دی۔

• دیگر کیسز: 9 مئی 2023 کے واقعات سے متعلق متعدد مقدمات مختلف عدالتوں میں زیر سماعت ہیں۔

پی ٹی آئی رہنماؤں کو سنائی گئی سزائیں

گزشتہ ماہ اینٹی ٹیررازم عدالتوں نے 9 مئی کے کیسز میں اہم فیصلے سنائے:

• فیصل آباد کیس: 25 اگست 2025 کو عمر ایوب، شبلی فراز اور زرتاج گل کو 10، 10 سال قید کی سزا سنائی گئی۔

• لاہور کیس: 11 اگست 2025 کو ڈاکٹر یاسمین راشد، میاں محمودالرشید، اعجاز چوہدری اور عمر سرفراز چیمہ کو بھی 10، 10 سال قید کی سزا سنائی گئی۔ خواتین رہنماؤں کو 5 سال تک کی سزائیں ہوئیں، جبکہ شاہ محمود قریشی ان کیسز میں بری ہو گئے۔

 اب تک کی مجموعی صورتحال 

عمران خان کے خلاف سب سے بڑی اور برقرار سزا القدیر ٹرسٹ کیس میں 14 سال قید ہے، جبکہ دیگر بڑی سزائیں اپیلوں اور فیصلوں کے نتیجے میں ختم یا معطل ہو چکی ہیں۔ دوسری جانب پی ٹی آئی کے کئی مرکزی رہنما 9 مئی کے کیسز میں بھاری سزاؤں کا سامنا کر رہے ہیں، جس سے پارٹی کی قیادت شدید دباؤ میں ہے۔

عمران خان کے خلاف مقدمات اور پی ٹی آئی رہنماؤں کو سنائی گئی سزاؤں کی تفصیلات