پی سی بی کا سینٹرل کانٹریکٹ کا اعلان، اے کیٹیگری ختم، بابر اعظم اور رضوان بی کیٹیگری میں شامل

فوٹو : فائل 

لاہور: پاکستان کرکٹ بورڈ (پی سی بی) نے قومی کرکٹرز کے لیے سینٹرل کانٹریکٹ 2025-26 کا اعلان کردیا۔ اس بار کسی کھلاڑی کو اے کیٹیگری کا اہل قرار نہیں دیا گیا جس کے باعث بورڈ نے اے کیٹیگری کو ختم کردیا۔

پی سی بی کے مطابق 30 کھلاڑیوں کو کانٹریکٹس دیے گئے ہیں جو یکم جولائی 2025 سے 30 جون 2026 تک لاگو ہوں گے۔ ان میں سے 10 کھلاڑیوں کو بی کیٹیگری، 10 کو سی کیٹیگری اور 10 کو ڈی کیٹیگری میں شامل کیا گیا ہے۔

گزشتہ سال 27 کھلاڑیوں کو معاہدے دیے گئے تھے جبکہ رواں برس یہ تعداد بڑھا کر 30 کردی گئی ہے، اس کے علاوہ 12 نئے کھلاڑیوں کو بھی پہلی بار سینٹرل کانٹریکٹ دیا گیا ہے۔

اے کیٹیگری ختم:

گزشتہ برس اے کیٹیگری میں شامل بابر اعظم اور محمد رضوان اس بار بی کیٹیگری میں چلے گئے، جبکہ کوئی کھلاڑی اے کیٹیگری کا اہل قرار نہ پایا جس کے باعث اسے فی الحال ختم کردیا گیا ہے۔

بی کیٹیگری:

بابر اعظم، محمد رضوان، شاہین شاہ آفریدی، فخر زمان، شاداب خان، ابرار احمد، حارث رؤف، حسن علی، صائم ایوب، سلمان علی آغا شامل ہیں جب کہ کارکردگی کے لحاظ سلمان آغا بی کیٹیگری میں شامل نہیں ہوسکتے۔

سی کیٹیگری:

عبداللہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صاحبزادہ فرحان، حسن نواز، نعمان علی۔

ڈی کیٹیگری:

شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد، صوفیان مقیم۔

پی سی بی کا سینٹرل کانٹریکٹ کا اعلان، اے کیٹیگری ختم، بابر اعظم اور رضوان بی کیٹیگری میں شامل