پاکستان نے پہلے ٹی ٹوئنٹی میچ میں ویسٹ انڈیز کو 14 رنز سے ہرادیا

فوٹو : اسکرین شاٹ

فلوریڈا : پاکستان نے پہلے ٹی ٹوئنٹی میچ میں ویسٹ انڈیز کو 14 رنز سے ہرادیا، ویسٹ انڈیز کی ٹیم 179 رنز ہدف کے تعاقب میں 7 وکٹوں کے نقصان پر 164 رنز بنا سکی.
پاکستان کی طرف سے محمد نواز نے 3، صائم ایوب نے 2، شاہین شاہ آفریدی اور سفیان مقیم نے ایک ایک وکٹ حاصل کی، حارث روف مہنگے باولر ثابت ہوئے. پاکستان نے تین ٹی ٹوئنٹی میچز کی سیریز کے پہلے میچ میں ویسٹ انڈیز کو جیت کیلئے 179 رنز کا ہدف دیا ہے۔

اس سے قبل امریکی ریاست فلوریڈا کے شہر لاؤڈرہل میں کھیلے جارہے ٹی ٹوئنٹی میچ میں پاکستان نے پہلے بیٹنگ کرتے ہوئے مقررہ 20 اوورز میں 6 وکٹ کے نقصان پر 178 رنز اسکور کیے۔

پاکستان کی جانب سے صائم ایوب 57 رنز بنا کر نمایاں رہے، جبکہ فخر زمان نے 28 اور حسن نواز نے 24 رنز بنائے۔ویسٹ انڈیز کی جانب سے شمار جوزف نے 4 اوورز میں 30 رنز دے کر 3 وکٹ حاصل کیے۔

ویسٹ انڈیز کے کپتان شائی ہوپ نے پاکستان کے خلاف پہلے ٹی ٹوئنٹی میچ میں ٹاس جیت کر پہلے فیلڈنگ کا فیصلہ کیا۔

ویسٹ انڈیز کے خلاف پہلے ٹی ٹوئنٹی کیلئے پاکستان ٹیم میں صاحبزادہ فرحان، صائم ایوب، فخر زمان، محمد حارث (وکٹ کیپر)، سلمان علی آغا (کپتان) کے علاوہ حسن نواز، محمد نواز، فہیم اشرف، شاہین آفریدی، حارث رؤف اور سفیان مقیم شامل ہیں۔

دونوں ٹیموں کے درمیان اس میچ سے پہلے 21 ٹی ٹوئنٹی میچز کھیلے گئے جن میں پاکستان نے 15 میں جبکہ ویسٹ انڈیز نے 3 میں کامیابی حاصل کی۔ 3 میچز بغیر نتیجہ ختم ہوئے.