بلورخاندان کی اے این پی سے علحیدگی،ثمر ہارون بلور نے مسلم لیگ ن میں شامل

فوٹو : فائل

پشاور: بلورخاندان کی اے این پی سے علحیدگی،ثمر ہارون بلور نے مسلم لیگ ن میں شامل ہو گئیں،ثمر بلور عوامی نیشنل پارٹی کی پہچان سمجھی جاتی تھیں۔

ن لیگ کا حصہ بننے والی ثمرہارون بلور  صوبائی سیکرٹری اطلاعات اور رکن صوبائی اسمبلی رہ چکی ہیں  تاہم اب  ثمربلور نے مسلم لیگ (ن) میں شمولیت کا اعلان کیا ہے۔

ذرائع کے مطابق وزیراعظم شہبازشریف سے اے این پی کی سابق رہنما ثمربلور نے ملاقات کی ہے جس  دوران وفاقی وزیرامیر مقام بھی موجود تھے۔

وزیراعظم شہبازشریف سے ملاقات کے دوران ثمر ہارون بلور نے مسلم لیگ ن میں شمولیت کااعلان کیا۔

اس موقع پر وزیراعظم شہباز شریف کا کہنا تھا کہ ثمر بلورکےمسلم لیگ ن میں شامل ہونےسےصوبےمیں پارٹی مضبوط ہوگی۔

واضح رہے ثمربلور اے این پی کے شہید رہنما ہارون بشیر بلور کی بیوہ ہیں، وہ  2018 میں  ضمنی انتخاب جیت کر پہلی بار صوبائی اسمبلی کی رکن بنیں۔

ثمر بلور 24 اکتوبر 2018 سے 18 جنوری 2023 تک (تقریباً 4 سال اور 3 مہینے) اسمبلی کی فعال رکن رہیں۔

  جون 2020 میں انہیں خیبر پختونخوا اے این پی کی صوبائی سیکرٹری انفارمیشن مقرر کیا گیا ۔

وہ خیبر پختونخوا اسمبلی کی پہلی خاتون ایم پی اے بنیں جو عوامی نشست سے منتخب ہوئیں، یہ اعزاز پشاور میں 16 سال بعد پہلی بار کسی خاتون کو ملا تھا ۔