سابق امریکی صدرجوبائیڈن میں پروسٹیٹ کینسر کی تشخیص،ہڈیوں تک پھیل گیا

فائل:فوٹو
واشنگٹن: سابق امریکی صدرجوبائیڈن میں پروسٹیٹ کینسر کی تشخیص ہوئی ہے۔
امریکی میڈیا کے مطابق جوبائیڈن کو پروسٹیٹ کینسر آخری سٹیج پرہے، کینسر سیل ہڈیوں میں پھیل چکے ہیں، کینسر کے پھیلاوٴ سے جوبائیڈن کی صحت مزید بگڑنے کا خدشہ ہے، امریکی بائیڈن آفس کا کہنا ہے کہ علاج کے آپشنز کا جائزہ لیا جا رہا ہے۔
امریکی صدرڈونلڈ ٹرمپ نے جو بائیڈن کیلئے نیک خواہشات کا اظہار کیا، انہوں نے کہا کہ جوبائیڈن کی جلد صحت یابی کیلئے دعا گو ہوں، میلانیا اور میں مشکل کی اس گھڑی میں جوبائیڈن فیملی کیساتھ ہیں۔
خیال رہے کہ سابق صدر جو بائیڈن کی صدارت کی مدت 20جنوری 2025ء کو ختم ہوئی تھی۔