سلمان خان کو جان سے مارنے کی تازہ دھمکی مل گئی

فائل:فوٹو
ممبئی :بالی ووڈ کے سلطان، اداکار سلمان خان کو جان سے مارنے کی تازہ دھمکی مل گئی ۔
بھارتی میڈیا رپورٹس کے مطابق ممبئی ٹریفک پولیس کی ہیلپ لائن کے واٹس ایپ نمبر پر ایک بار پھر سلمان خان کے لیے دھمکی موصول ہوئی ہے۔
آج صبح موصول ہونے والے دھمکی آمیز پیغام میں کہا گیا ہے کہ سلمان خان کو ان کے گھر میں داخل ہونے کے بعد مار ڈالیں گے اور ان کی گاڑی کو بم سے اڑا دیں گے۔
میڈیا رپورٹس کے مطابق ممبئی پولیس نے شکایت درج کر کے تحقیقات کا آغاز کر دیا ہے۔
خیال رہے کہ اداکار اپنے اہلِ خانہ کے ساتھ ممبئی کے علاقے باندرہ کے گلیکسی اپارٹمنٹس میں مقیم ہیں۔
گزشتہ سال بھی اسی نوعیت کی دھمکی آمیز پیغام موصول ہونے کے بعد سلمان کے گھر پر بشنوئی گینگ سے وابستہ شوٹرز کی طرف سے گولیاں چلائی گئی تھیں جس کے بعد اداکار کی سیکیورٹی بڑھا دی گئی تھی۔
گزشتہ 2 سال میں یہ پانچواں موقع ہے جب اداکار کو اپنی جان کو خطرہ لاحق ہوا ہے۔