فائل:فوٹو
کراچی:وفاقی وزیر خزانہ و سینیٹر محمد اورنگزیب نے کہا ہے کہ پائیدار معاشی استحکام کیلئے برآمدات کا فروغ ضروری ہے، حکومت پائیدار ترقی کیلئے بنیادی اصلاحات کے ایجنڈے پر عمل پیرا ہے۔
پاکستان بینکنگ سمٹ 2025ء سے خطاب کرتے ہوئے وزیر خزانہ محمد اورنگزیب کا کہنا تھا کہ پاکستان بینکنگ سمٹ 2025 کا انعقاد اہمیت کا حامل ہے، بینکنگ سیکٹر کا قومی معیشت میں اہم کردار ہے، بینکنگ سیکٹر نے ٹیکس ادائیگی میں تیل و گیس کے شعبے کو پیچھے چھوڑ دیا، ہم نے حکومت کو 30 ارب روپے جمع کر کے دیئے۔
انہوں نے کہا کہ بینکنگ سیکٹر ملک میں دستاویزی معیشت کے فارمولے پر کام کرتا ہے، ملکی معیشت بہتری کی جانب گامزن ہے، حکومت پائیدار معاشی استحکام کیلئے بنیادی اصلاحات کے ایجنڈے پر عمل پیرا ہے۔
وزیرخزانہ کا کہنا تھا کہ صوبائی اسمبلیوں سے زرعی ٹیکسوں سے متعلق بلوں کی منظوری اہم پیشرفت ہے، آئندہ بجٹ کی تیاری کے سلسلے میں مشاورتی عمل جاری ہے، حکومتی اخراجات میں کمی کیلئے رائٹ سائزنگ پالیسی پر عملدرآمد جاری ہے۔
محمد اورنگزیب نے کہا کہ پائیدار معاشی استحکام کیلئے برآمدات کا فروغ ضروری ہے، ہر سیکٹر کو ملکی برآمدات میں حصہ ڈالنا ہوگا، سرمایہ کاری کا فروغ حکومت کی ترجیح ہے، حکومت تاجروں کو ہر فورم پر سہولت فراہم کرے گی۔
Comments are closed.