فوٹو: فائل
راولپنڈی: اڈیالہ جیل کی سکیورٹی اچانک سخت کردی،پولیس نے عمران خان کی بہنوں کو 2کلومیٹر پہلے روک لیا،تاہم بعد میں علیمہ خان کی طرف سے عدالتی احکامات دکھانے پر انھیں جانے کی اجازت دے دی گئی۔
راولپنڈی میں اڈیالہ جیل کے اطراف سیکیورٹی ہائی الرٹ کر دی گئی مگر یہ نہیں بتایا گیا کہ وجہ کیاہے۔
پولیس نے اڈیالہ جیل جانے والے راستوں پر کنٹینرز لگا دیے جبکہ اضافی ناکے بھی قائم کر دیے گئے ہیں۔
سخت سکیورٹی کے باعث سڑک سے گزرنے والی گاڑیوں کو تلاشی کے بعد جانے کی اجازت دی جا رہی ہے۔
پولیس نے بانیٔ پی ٹی آئی کی بہنوں کی گاڑی بھی اڈیالہ جیل سے 2 کلومیٹر دور روک لی تھی۔
بعد ازاں پولیس کو بانیٔ پی ٹی آئی سے ملاقات کے عدالتی احکامات دکھانے پر علیمہ خان کو جانے دیا گیا۔
اس حوالے سے پولیس کا کہنا ہے کہ اڈیالہ جیل کے اطراف سرچ آپریشن کیا جا رہا ہے، جب تک آپریشن مکمل نہیں ہوتا کوئی بھی جیل کی طرف نہیں جا سکتا۔
Comments are closed.