شہباز شریف سے وزیرِ داخلہ محسن نقوی کی ملاقات، دورہ امریکہ کی تفصیلات سے آگاہ کیا

فائل:فوٹو
اسلام آباد:وزیرِ اعظم شہباز شریف سے وزیرِ داخلہ محسن نقوی کی ملاقات، دورہ امریکہ کی تفصیلات سے آگاہ کیا ۔وزیرداخلہ نے وزیرِاعظم کو اپنے حالیہ دورہِ امریکہ اور اس دوران اہم امریکی حکام، کاروباری برادری اور سرمایہ کاروں سے ملاقاتوں کے حوالے سے بتایا۔

ملاقات میں وفاقی وزیرِ داخلہ نے وزیرِ اعظم کو چیمپئینز ٹرافی کے انعقاد کی تیاریوں سے بھی آگاہ کیا، جس پر وزیرِ اعظم نے محسن نقوی سمیت بورڈ کی انکی پوری ٹیم کی کاوشوں کو سراہا۔محسن نقوی نے وزیرِ اعظم کو اسلام آباد میں جاری ترقیاتی کاموں پر پیش رفت سے بھی آگاہ کیا جس پر وزیرِ اعظم نے کام کی رفتار کو سراہا۔

ملاقات میں، محسن نقوی نے، وزیرِ اعظم کو انسانی اسمگلنگ میں ملوث گروہوں کے خلاف آپریشن پر پیش رفت اور تفصیلات سے بھی آگاہ کیاوزیرِ داخلہ نے ملکی امن و امان کی صورتحال پر بھی وزیرِ اعظم کو بریفنگ دی۔