دوسرا ایک روزہ میچ، پاکستان کا ٹاس جیت کر فیلڈنگ کا فیصلہ

اسلام آباد (سپورٹس ڈیسک) پاکستان کا انگلینڈ کے خلاف دوسرے ایک روزہ میچ میں ٹاس جیت کر فیلڈنگ کا فیصلہ، محمد عامر کی جگہ یاسر شاہ ٹیم میں شامل کیے گے ہیں۔

ساؤتھمپٹن میں کھیلے جا رہے میچ میں قومی ٹیم کے کپتان سرفراز احمد نے ٹاس جیت کر انگلینڈ کو پہلے بیٹنگ کی دعوت دی ہے۔

سرفراز احمد نے کہا کہ جلدی وکٹ لیکر انگلینڈ پر پریشر ڈالنے کی کوشش کریں گے۔ان کا کہنا تھا کہ قومی ٹیم میں محمد عامر کی جگہ یاسر شاہ کو موقع دیا گیا ہے۔

انگلش ٹیم کے کپتان این مورگن کا کہنا تھا کہ بڑا ٹوٹل کرنے سجانے کی کوشش کریں گے، امید ہے کہ ہوم کرواڈ سے سپورٹ ملے گی۔

خیال رہے کہ پانچ ایک روزہ میچوں کی سیریز کا پہلا میچ بارش کے باعث بغیر کسی نتیجے کے ختم ہو گیا تھا۔