قومی اسمبلی سے الیکشن ایکٹ ترمیمی بل کثرت رائے سے منظور

فائل:فوٹو

اسلام آباد: قومی اسمبلی نے الیکشن ایکٹ ترمیمی بل اور اسلام آباد میں پْرامن اجتماع اور امن عامہ بل کثرتِ رائے سے منظور کرلیے گئے۔

قومی اسمبلی کا اجلاس اسپیکر ایاز صادق کے زیر صدارت منعقد ہوا۔ اجلاس میں وزیر پارلیمانی امور اعظم نذیر تارڑ نے الیکشن ایکٹ ترمیمی بل 2024ء منظوری کے لیے ایوان میں پیش کردیا۔ اسپیکر نے ووٹنگ کرائی جس کے بعد بل کثرت رائے سے مں ظور کرلیا گیا۔

قومی اسمبلی کے اجلاس میں ضمنی ایجنڈا پیش کرنے سے متعلق تحریک قومی اسمبلی میں پیش کی گئی۔ مسلم لیگ ن کے بیرسٹر دانیال چوہدری نے تحریک ایوان میں پیش کی ضمنی ایجنڈے سے متعلق تحریک قومی اسمبلی سے منظورکرلی گئی ۔

دانیال چوہدری نے ضمنی ایجنڈے کے طور پر ایوان میں پْرامن اجتماع اور امن عامہ بل 2024ء منظوری کیلئے پیش کیا۔ پی ٹی آئی اور سنی اتحاد کونسل نے بل کی شدید مخالفت کی تاہم بل کثرت رائے سے منظور ہوگیا۔ سنی اتحاد کونسل اور پی ٹی آئی کے اراکین نیاحتجاج کیا اور نو نو کے نعرے لگائے۔

پی ٹی آئی کے رکن جمشید دستی نے کورم کی نشاندہی کی جس کے بعد قومی اسمبلی کا اجلاس پیر کی شام 5 بجے تک ملتوی کردیا گیا۔