اداکارہ مدیحہ امام کو بولڈ تصاویر شیئر کرنا مہنگا پڑ گیا، مداحوں کا پارہ ہائی

فائل:فوٹو

لاہور: پاکستانی شوبز انڈسٹری کی خوبرو اداکارہ مدیحہ امام کو بولڈ تصاویر شیئر کرنا مہنگا پڑ گیا۔

مدیحہ امام ان دنوں اپنے شوہر کے ہمراہ نیپا ل میں موجود ہیں جہاں وہ سیرو تفریح سے محظوظ ہو رہی ہیں، اداکارہ سوشل میڈیا کے ذریعے مداحوں کو اپنی مصروفیات سے بھی آگاہ رکھ رہی ہیں۔

حال ہی میں مدیحہ امام نے فوٹو اینڈ ویڈیو شیئرنگ ایپ انسٹاگرام پر تصاویر اور ویڈیوز پر مشتمل ایک پوسٹ شیئر کی جس میں اداکارہ کو بولڈ لباس میں دیکھا جا سکتا ہے۔

https://www.instagram.com/p/C9xFGK-yYDl/?utm_source=ig_embed&ig_rid=40ba1c5b-9a4d-4f79-8b38-dc7d4373e5b5

مذکورہ تصاویر میں اداکارہ نے سفید رنگ کا مغربی طرز کا لباس زیب تن رکھا ہے اور کھڑکی سے پہاڑی علاقے کے خوبصورت نظاروں کو اپنی یادوں کا حصہ بنا رہی ہیں۔

اداکارہ کو بولڈ لباس میں دیکھ مداحوں کا پارہ ہائی ہو گیا، پوسٹ کے کمنٹ سیکشن میں مدیحہ کو تنقید کا نشانہ بنایا جارہا ہے۔