اداکارہ عفت عمر کی بیٹی نے منگنی کرلی ،والدہ نے تصاویر شیئر کردیں

فائل:فوٹو
کراچی :پاکستان کی معروف اداکارہ و میزبان عفت عمرنے اپنی بیٹی نور جہاں کی منگنی کی تصاویر جاری کردیں۔

عفت عمر نے اپنے آفیشل انسٹاگرام ہینڈل پر بیٹی کی منگنی کی چند تصاویر پوسٹ کی ہیں جن میں پہلی تصویر میں اْن کی بیٹی نور جہاں اور ہونے والے داماد کا ہاتھ دکھایا گیا ہے۔

دیگر تصاویر میں عفت عْمر کی بیٹی کو مغربی طرز کے لباس میں ملبوس دیکھا جاسکتا ہے جبکہ اْن کے بیٹی کے منگیتر پینٹ سوٹ میں ملبوس ہیں۔اداکارہ نے اپنی پوسٹ میں داماد کا نام اور دیگر تفصیلات شیئر نہیں کیں تاہم تصاویر دیکھ کر لگ رہا ہے کہ اْن کی بیٹی نور جہاں نے انگریز شخص سے منگنی کی ہے۔

عفت عمر نے اپنی پوسٹ میں کہا کہ میری چھوٹی سی بیٹی کی منگنی ہوگئی ہے اور میں اب باضابطہ طور پر ساس بن گئی ہوں۔اداکارہ نے سوشل میڈیا صارفین کے منفی تبصرے سے بچنے کے لیے اپنی پوسٹ کا کمنٹ سیکشن بھی بند کردیا ہے۔

https://www.instagram.com/p/C9l5mFxRH6T/?utm_source=ig_embed&ig_rid=b5e52737-db63-4747-9c78-0ac46bc96047

اس کے علاوہ عفت عمر نے انسٹاگرام پر اپنی بیٹی اور داماد کی ویڈیو بھی پوسٹ کی ہے جس میں اس نئے جوڑے کو مختلف پوز دیتے ہوئے دکھایا گیا ہے۔عفت عمر نے پوسٹ کے کیپشن میں کہا کہ اْن تمام لوگوں کا شکریہ، جو میری بیٹی کی منگنی کے لیے مبارکباد دے رہے ہیں اور نیک خواہشات کا اظہار کررہے ہیں۔

https://www.instagram.com/reel/C9mHmDFx1rD/?utm_source=ig_embed&ig_rid=5a336f8f-51d0-43e6-882a-ef00dc977613

یادرہے کہ مئی 2023 میں عفت عمر کی بیٹی نور جہاں نے نیو یارک کی کارنیل یونیورسٹی سے گریجویشن کی ڈگری حاصل کی تھی۔