مخصوص شرائط کے ساتھ بغیر انٹرنیٹ واٹس اپ کا استعمال ممکن

فوٹو فائل

نیویارک : مخصوص شرائط کے ساتھ بغیر انٹرنیٹ واٹس اپ کا استعمال ممکن ہو گیا ہے۔

سمارٹ فون استعمال کرنے والے صارفین کی بڑی تعداد اپنے پیاروں سے رابطے میں رہنے کیلئے مشہور سوشل ایپلی کیشن واٹس ایپ کا استعمال کرتے ہیں اور اس کے ذریعے بات چیت کرنے کیلئے وائی فائی انٹرنیٹ یا پھر موبائل انٹرنیٹ کا ہونا لازمی ہے، تاہم اس بار واٹس ایپ کی جانب سے انٹرنیٹ کے استعمال متعلق دلچسپ خبر سامنے آئی ہے۔

عالمی میڈیا کے مطابق واٹس ایپ کی جانب سے ایک ایسا فیچر تیار کیا جا رہا ہے جس کے آنے کے بعد صارفین کو تصاویر، ویڈیوز اور ڈاکیومنٹس شیئر کرنے کے لیے انٹرنیٹ کی ضرورت نہیں پڑے گی، یعنی واٹس ایپ صارف آف لائن رہ کر بھی اس فیچر کا استعمال کر سکتا ہے، تاہم اس فیچر کے لیے کچھ مخصوص شرائط درکار ہوں گی۔

جس طرح واٹس ایپ کی جانب سے دعویٰ کیا جاتا ہے کہ چیٹ اینڈ ٹو اینڈ انکرپٹڈ ہوتی ہے، بالکل اسی طرح شئیر کی گئی فائلز بھی انکرپٹڈ ہوں گی، انکرپٹڈ ہونے کی وجہ سے کوئی بھی فائل کرپٹ نہیں کر سکے گا جبکہ انہی پرمیشنز میں سے ایک آپشن ہے فائینڈ نیئر بائی فونز جو کہ آف لائن شیئرنگ فیچر کو سپورٹ کرے گا۔

علاوہ ازیں اینڈرائیڈ میں موجود سٹینڈرڈ سسٹم پرمیشن بلو ٹوتھ کے ذریعے نیئر بائی ڈیوائسز کو سکین کرنے میں مدد کر سکتی ہے تاہم اس آپشن کو ٹرن آف بھی کیا جا سکتا ہے، واٹس ایپ کو اس فیچر کے لیے آپ کے سسٹم فائلز اور فوٹو گیلری تک رسائی اور آپ کی لوکیشن بھی درکار ہوگی۔

خیال رہے کہ یہ نیا سسٹم بالکل اسی طرح ہے جیسے کہ پیئر ٹو پیئر فائل ایپس اور جس طرح شیئر اٹ کام کرتا ہے۔