حماد اظہر کی 51 مقدمات میں راہداری ضمانت منظور 

فائل:فوٹو

پشاور: پشاور ہائی کورٹ نے پاکستان تحریک انصاف رہنماء حماد اظہر کی 51 مقدمات میں راہداری ضمانت منظور کر لی۔

پی ٹی آئی رہنما حماد اظہر کی جانب سے پشاور ہائیکورٹ میں راہداری ضمانت کے لیے دائر درخواست پر چیف جسٹس محمد ابراہیم خان نے سماعت کی۔

درخواست گزار کے وکیل نے عدالت کو بتایا کہ حماد اظہر کے خلاف 51 مقدمات درج ہیں، باقی کا ابھی پتا نہیں اور کتنے ہیں، لاہور، واہ کینٹ، راولپنڈی، فیصل آباد اور دیگر شہروں میں ان کے خلاف ایف آئی آرز درج کی گئی ہیں۔

چیف جسٹس نے ایڈیشنل ایڈووکیٹ جنرل سے استفسار کیا یہ تو کئی شہروں میں کیسز ہیں، کتنا ٹائم دیں، ایڈیشنل ایڈووکیٹ جنرل صاحب آپ بتائیں؟ ایڈیشنل ایڈووکیٹ جنرل انعام یوسفزئی نے کہا کہ عدالت کو جو بہتر لگے وہ ٹائم دے دیں۔

بعدازاں عدالت نے پی ٹی آئی رہنما حماد اظہر کو ایک مہینے میں متعلقہ عدالتوں میں پیش ہونے کا حکم دیتے ہوئے راہداری ضمانت منظور کر لی۔