پاکستان نے پہلے ٹی20 میچ میں آسٹریلیا کو 22 رنز سے ہرا دیا

فوٹو : سوشل میڈیا

لاہور : پاکستان نے پہلے ٹی20 میچ میں آسٹریلیا کو 22 رنز سے ہرا دیا ہے اور تین ٹی ٹوئنٹی پر مشتمل سیریز میں ایک صفر سے برتری حاصل کر لی ہے.

قذافی اسٹیڈیم لاہور میں کھیلے گئے میچ میں پاکستان نے آسٹریلیا کے خلاف ٹاس جیت کر بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 168 رنز بنائے۔

صائم ایوب 40، سلمان علی آغا 39 اور بابر اعظم 24 رنز کے ساتھ نمایاں رہے۔ عثمان خان نے 18، فخر زمان نے 10 رنز کی اننگز کھیلی جبکہ محمد نواز 15 رن بنا کر ناقابل شکست رہے۔

آسٹریلیا کی جانب سے ایڈم زمپا 24 رنز کے عوض 4 وکٹیں لے کر نمایاں بولر رہے، جواب میں ہدف کے تعاقب میں آسٹریلوی ٹیم مقررہ 20 اوورز میں 8 وکٹوں کے نقصان پر 146 رنز بناسکی۔

آسٹریلیا کے کیمرون گرین 36 رنز بنا کر ٹاپ اسکورر رہے جبکہ زاویئر بارٹلے 34 رنز کے ساتھ ناقابلِ شکست رہے اور کپتان ٹریوس ہیڈ نے 23 رنز کی اننگز کھیلی۔

پاکستان کی طرف سے ابرار احمد نے 4 اوورز کے کوٹہ میں صرف 10 رنز دے کر 2 اہم وکٹیں حاصل کیں۔ صائم ایوب نے بھی 2 کھلاڑیوں کو آؤٹ کیا جبکہ شاداب خان اور محمد نواز نے ایک، ایک وکٹ لی۔

پہلے ٹی20 میچ میں ٹریویس ہیڈ نے آسٹریلوی کی قیادت کی جبکہ جوش انگلس، مچل مارش اور مارکس اسٹوائینس میچ نہیں کھیلے۔

آسٹریلیا کی جانب سے ماہلی بئیرڈ مین، جیک ایڈورڈز اور میتھیو رنشا ٹی ٹوئنٹی ڈیبیو کیا،دوسرا ٹی20 میچ ہفتہ کو اور تیسرا اتوار کو کھیلا جائے گا امید ہے اگلے دونوں میچز فل آسٹریلین سائیڈ میدان میں اترے گی.