خودمختار ملک پر حملہ جنگی اقدام، بین الاقوامی قوانین کی خلاف ورزی ہے، زہران ممدانی

فوٹو : فائل

نیویارک : نیویارک سٹی کے میئر زہران ممدانی نے کہا ہے "ٹرمپ انتظامیہ کے اقدام پر شدید تنقید کی۔ ان کا کہنا تھا کہ ’یکطرفہ طور پر کسی خودمختار ملک پر حملہ جنگی اقدام، بین الاقوامی قوانین کی خلاف ورزی ہے، زہران ممدانی کا کہنا ہے یہ اقدام بین الاقوامی قوانین کے ساتھ ساتھ وفاقی ضابطہ کے مطابق بھی نہیں ہے۔‘

زہران ممدانی نے سوشل میڈیا پر بیان جاری کرتے ہوئے کہا ہے کہ انھیں صدر مادورو اور ان کی اہلیہ کی گرفتاری اور ’نیویارک میں وفاقی تحویل میں ان کی مجوزہ قید‘ کے بارے میں بریفنگ دی گئی ہے۔

ابتدائی اطلاعات کے مطابق مادورو اور ان کی اہلیہ کو بروکلین، نیویارک کے وفاقی ادارے میٹروپولیٹن ڈٹینشن سینٹر منتقل کیا جا رہا تھا جب کہ بعد منتقل ہو جانے کی بھی غیر مصدقہ اطلاعات ہیں۔

میئر ممدانی نے ٹرمپ انتظامیہ کے اقدام پر شدید تنقید کی۔ ان کا کہنا تھا کہ ’یکطرفہ طور پر کسی خودمختار ملک پر حملہ جنگی اقدام ہے اور وفاقی و بین الاقوامی قوانین کی خلاف ورزی ہے۔‘

انھوں نے مزید کہا کہ ’ریجیم چینج کی یہ کھلی کوشش صرف بیرونِ ملک اثر انداز نہیں ہوتی بلکہ براہِ راست نیویارک کے عوام کو متاثر کرتی ہے جن میں وہ ہزاروں وینیزویلا کے باشندے بھی شامل ہیں جو اس شہر کو اپنا گھر کہتے اور سمجھتے ہیں۔

نیویارک کے میئر کی طرف سے وینزویلا پر امریکی حملے کی مخالفت سامنے آئی ہے تاہم دوسری طرف یورپی ممالک مخمصے کا شکار ہیں اور وہ نہ حملے کی مخالفت کر پا رہے ہیں نہ حمایت.