جب تک زندہ ہوں تحریک انصاف کے ساتھ ہی رہوں گا، علی امین گنڈاپور

فوٹو : اسکرین شاٹ

ڈیرہ اسماعیل خان : سابق وزیرعلیٰ خیبرپختونخوا آمین اللہ گنڈا پور نے کہا ہے کہ تحریک انصاف میں غلط فہمیاں پیدا کرنے کےلئے ذرائع سے جھوٹی خبریں چلائی جارہی ہیں، آمین اللہ گنڈا پور کا کہنا تھا کہ تحریک انصاف کے خلاف فسطائیت آج کی نہیں بلکہ ایک عرصے سے جاری ہے۔

سابق وزیراعلی علی امین گنڈاپور نے میڈیا سے گفتگو کرتے ہوئے کہا کہ تحریک انصاف میری پارٹی نہیں میرا نظریہ ہے ساری زندگی مرتے دم تک تحریک انصاف کے ساتھ ہی رہوں گا، ذرائع سے غلط خبریں پھیلائی جاتی ہیں جب میں موجود ہوں تو ذرائع کیا چیز ہیں، مجھ سے پوچھو میں بتاوں گا۔

،انھوں نے کہا کہ عمران خان کو ناحق قید اور جھوٹے و جعلی مقدمات کا سامنا ہے،عمران خان کو انصاف نہیں مل رہا، آئین اور قانون کا مذاق بنایا جا رہا ہے، ان تمام غیر جمہوری اقدامات کی سخت الفاظ میں مذمت کرتے ہیں۔

 علی امین گنڈاپور اگر فیملی ملاقات طے ہے تو عمران خان سے ملاقات کرائی جائے، ایک سوال کے جواب میں انھوں نے کہا سہیل آفریدی میرا بھائی ہے اور وہ اب وزیراعلیٰ ہے، میرے دور کے تمام منصوبے آج بھی جاری ہیں۔

سابق وزیراعلیٰ نے واضح کیا کہ جب تک زندہ ہوں تحریک انصاف کے ساتھ ہی رہوں گا، علی امین گنڈاپور کا کہنا تھا میں کسی سے نہیں ڈرتا، اگر کہیں جاؤں گا تو خود بتاؤں گا۔

علی امین گنڈاپور نے وضاحت کرتے ہوئے بتایا کہ میلے میں یوسف رضا گیلانی اور گورنر پنجاب سے ملاقات پر بلاجواز پروپیگنڈہ کیا گیا۔

انھوں نے کہا کہ پروپیگنڈا کرتے والوں کےلئے مشورہ ہےپروپیگنڈہ اور ڈرامے چھوڑ کر عوام کی خدمت پر توجہ دی جائے،میں عمران خان کے ساتھ کھڑا ہوں اور کھڑا رہوں گا۔