عوامی مسلم لیگ کے سربراہ شیخ رشید احمد عبوری ضمانت خارج ہونے پر گرفتار

فائل:فوٹو
راولپنڈی :عوامی مسلم لیگ کے سربراہ شیخ رشید احمد عبوری ضمانت خارج ہونے پر گرفتار،انھیں توڑ پھوڑ کے مقد مںہ میں ضمانت خارج ہونے پر گرفتار کرلیا گیا۔

شیخ رشید کی نیو ٹاوٴن تھانے کے مقدمے میں ضمانت خارج ہونے کے بعد انہیں راولپنڈی میں عدالت سے گرفتار کیا گیا۔

شیخ رشید کو 9 مئی کے مقدمے میں ضمانت خارج ہونے پر گرفتار کیا گیا ہے۔

عوامی مسلم لیگ کے سربراہ شیخ رشید احمد کے خلاف میٹرو بس اسٹیشن سکستھ روڈ پر توڑ پھوڑ کا مقدمہ درج ہے۔

قبل ازیں شیخ رشید احمد نے انسداد دہشت گردی کی عدالت میں پیشی کے موقع پر میڈیا سے گفتگو کرتے ہوئے کہا تھا کہ 19 مقدمات میں آج فیصلہ ہے، جو بھی فیصلہ ہوا اسے قبول کریں گے۔

انہوں نے کہا تھا کہ چلے کے بعد طبیعت کافی ناساز ہے، بولنے اور چلنے میں تکلیف ہے، حوصلہ بلند ہے، ہارتا وہ ہے جو حوصلہ ہارتا ہے۔ اب بھی اگر جیل بھیجتے ہیں تو بھی الیکشن جیتیں گے۔