دنیا کا سب سے بلند قامت کتادم توڑ گیا

فوٹو فائل

ٹیکساس: دنیا کا سب سے بلند قامت کتا، زیئس اب اس دنیا میں نہیں رہا اور اس نے آخری سانس اپنی مالکن کی گود میں لی ہے۔

زیئس نامی کتا ایک غیرمعمولی اہمیت کا حامل جانور تھا۔ اس کا قد ایک میٹر تک بلند تھا اور دنیا بھر میں مشہور ہوا یہاں تک کہ 2022 میں گنیز بک آف ورلڈ ریکارڈ نے اسے بلند ترین پالتو کتا قرار دیا ہے۔

ڈین نسل کے کتے کی عمر اس نومبر کو چار برس ہونے والی تھی۔ اس کی سیدھی ٹانگ کی ہڈی کینسر کی شکار ہوئی جسے کاٹا گیا۔ اس کے بعد نمونیا نے آگھیرا اور یوں زیئس کی موت واقع ہوگئی۔

یہ کتا شروع سے ہی ٹیکساس کی رہائشی برٹنی کے پاس تھا اور وہ اس سے شدید انسیت رکھتی ہیں۔ اطراف کےبعض افراد اسے گھوڑکے برابر کتا بھی کہا کرتے تھے۔ اب اس کی موت پر بہت سے لوگ سخت رنجیدہ ہیں۔