ہٹ سٹوری

عمران خان نے اسلام آباد مارچ اعلان کی نئی تاریخ دیدی

By Zameeni Haqaiq

ملتان(زمینی حقائق ڈاٹ کام) عمران خان نے اسلام آباد مارچ اعلان کی نئی تاریخ دیدی، کہا جب تک حکومت ختم نہیں ہوگی تب تک اسلام آباد رہیں گے۔

چیئرمین پاکستان تحریک انصاف عمران خاننے ملتان کے جلسہ سے خطاب میں اسلام آباد مارچ کا اعلان 25 کو پشاور میں کور کمیٹی کے اجلاس کے بعد کروں گا۔

عمران خان نےملتان جلسے سے خطاب میں ایک بار پھرمطالبہ کیا کہ حکومت فوری مستعفی ہو اور انتخابات کا اعلان کیا جائے، دیر ہونے سے ملک کا نقصان ہو رہا ہے۔

چیئرمین پی ٹی آئی نے خود پر تنقید کرنے والیے مسلم لیگ ن کی نائب صدر مریم نواز کو مخاطب کرتے ہوئ کہا کہ میرا زیادہ نام نہ لیا کریں آپ کے شوہر ناراض ہو جائیں گے۔

انھوں نے ایک بار پھر شہبازشریف پر بھی تنقید کی اور کہا کہ بڑے تجربہ کار بنے پھرتے تھے عوام نے دیکھ لیا ان کا تجربہ ایک مہینے سے پھنسے ہوئے ہیں۔

عمران خان نے کہا دنیا میں کوئی انقلاب کامیاب نہیں ہوتا جب نوجوان اور خواتین شرکت نہیں کرتے، خوف بڑے انسان کو چھوٹا بنا دیتا ہے، جب تک آپ خوف کے بت کو نہیں توڑیں گے، قوم کو عظیم نہیں بناسکتے۔

سابق وزیراعظم نے کہا ویسے میں ہمیشہ سوچتا ہوں کہ ان کو اتنا زیادہ مجھ پر غصہ ہے کیوں؟ میں نے ان کا کیا بگاڑا ہے؟ ان کے کیسز تو پرانے بنے ہوئے ہیں، مقصود چپڑاسی کے علاوہ سارے کیسز پرانے ہیں۔

ان کا کہنا تھاکہ آج نئی ڈویلپمنٹ ہوئی ہے اور لوٹوں کو ڈی سیٹ کردیا گیا ہے لہٰذا میں نے اتوار کو پشاور میں کور کمیٹی کو بلایا ہے اور فیصلہ کرنا ہے۔

انہوں نے کہا کہ 25 اور 29 مئی کے درمیان اسلام آباد مارچ ہوگا، حتمی تاریخ پرسوں مل جائے گی اور چاہتا ہوں سب تیاری کریں۔

ان کا مزید کہنا تھاکہ عوام کا سمندر آئے گا تو ہم نے ایک چیز مانگنی ہے کہ اسمبلی تحلیل اور الیکشن کا اعلان کب کرنا ہے،ہم چاہتے ہیں آئندہ عوام ہمیں بھاری اکثریت سے کامیاب کریں۔

Zameeni Haqaiq 19684 posts 0 comments
You might also like More from author

Comments are closed.