برطانیہ،کینیڈا،آسٹریلیا پرتگال فرانس ، بلجیم ،اسپین اور مناکو نے بھی فلسطین کو ریاست تسلیم کرلیا

فوٹو : فائل 

نیویارک  (اے ایف پی ) برطانیہ،کینیڈا،آسٹریلیا پرتگال فرانس ، بلجیم ،اسپین اور مناکو نے بھی فلسطین کو ریاست تسلیم کرلیاتاہم صدر میکرون نے کہاکہ پیرس اُس وقت تک فلسطین میں سفارت خانہ نہیں کھولے گا جب تک غزہ میں جنگ بندی اور تمام یرغمالیوں کی رہائی عمل میں نہیں آ جاتی.

اے ایف پی کے مطابق فلسطینی صدرمحمودعباس نے حماس سے ہتھیار پھینکنے کا مطالبہ کردیا۔فلسطینی اتھارٹی نے فرانسیسی صدرمیکرون کے فیصلے کا خیر مقدم کرتے ہوئے اسے تاریخی اور جرات مندانہ قراردیاہے. 

 سعودی عرب کے وزیر خارجہ شہزادہ فیصل بن فرحان نے پیر کو تمام ممالک سے مطالبہ کیا ہے کہ وہ متعدد مغربی ممالک کی پیروی کرتے ہوئے فلسطینی ریاست کو تسلیم کریں۔

انہوں نے اقوام متحدہ کی دو ریاستی حل سے متعلق ایک سمٹ سے خطاب کرتے ہوئے کہا کہ ہم تمام دیگر ممالک سے مطالبہ کرتے ہیں کہ وہ بھی ایسا ہی تاریخی قدم اٹھائیں، جو دو ریاستی حل کے نفاذ کی کوششوں کو مؤثر طور پر آگے بڑھانے میں مددگار ثابت ہوگا۔

 فرانس کے صدر میکرون نے اقوام متحدہ کانفرنس میں فلسطین کو ریاست تسلیم کرنے کااعلان کرتے ہوئے  اپنے خطاب میں غزہ میں جاری جنگ کو ناقابلِ جواز قرار دیا۔

فرانسیسی صدر نے کہا کہ ہم مزید انتظار نہیں کرسکتے اور اب وقت آ گیا ہے کہ یہ جنگ مکمل طور پر ختم کی جائے اور حماس کے زیر حراست باقی 48 مغویوں کو فوری رہا کیا جائے۔