فوٹو : فائل
سرگودھا : پی ٹی آئی رہنماوں احمد خان بچھر، احمد چھٹہ سمیت 51 ملزمان کو اشتہاری قرار دیدیا گیا، سرگودھا کی انسداد دہشتگردی عدالت نے 9 مئی جوڈیشل کمپلکس میانوالی کیس کا فیصلہ سنا دیا۔
انسداد دہشتگردی عدالت نے مقدمے میں گرفتار ملزم اسماعیل کو 25 سال قید کی سزا سنا دی ہے۔
عدالت نے 9 مئی جوڈیشل کمپلیکس میانوالی کیس میں پی ٹی آئی رہنما احمد خان بچھر، احمد چھٹہ اور بلال اعجاز سمیت 51 ملزمان کو اشتہاری قرار دے دیا۔
انسدادِ دہشت گردی عدالت اس مقدمے میں عمر ایوب خان کے پہلے ہی ناقابل ضمانت وارنٹ گرفتاری جاری کر چکی ہے۔
واضح رہے کہ گزشتہ روز بھی فیصل آباد کی انسداد دہشت گردی عدالت نے 9 مئی سے متعلق مختلف مقدمات میں عمر ایوب، شبلی فراز، صاحبزادہ حامد رضا اور زرتاج گل سمیت 196 ملزمان کو سزائیں سنائی تھیں۔
Comments are closed.